Polemika në ‘Rrethi Katror’/ “Kurti e çoi vendin në kolaps”, Cako i kthehet Zekës: Kur bie Perandoria Britanike, jo më Kosova që është pa qeveri 30/11 21:02
Këngëtari i njohur Altin Goci, një nga figurat më të dashura të muzikës shqiptare që prej viteve ’90-të, ka hapur zemrën duke treguar më shumë rreth karrierës së tij muzikore dhe jetës së tij private.
I ftuar sot në ‘Galeri’ me Edi Manushin, Altini tregoi për dashurinë e tij të madhe për grupin ‘RITFOLK’ dhe kujtoj me mall këngën e tyre të parë që i ka bërë të famshëm.
“Unë e kam modestinë shumë të tepruar. Në kohën e sotme duhet të jesh u të gjithave. Unë bëjë atë që di të bëjë. E dashurojë profesionin tim. Ashtu si më vjen pa e menduar gjatë. Është edhe kjo dashuria e këtyre brezave që kanë jetuar në kohën time. ‘Sa dua të jem larg’ është kënga e parë e RITFOLK që na bëri të famshëm. I kam shokë të pandarë këto këngë”, u shpreh ai.
Altin Goci foli edhe për prejardhjen e tij, duke ndarë edhe historinë e gjyshërve, të cilën sipas tij kanë qenë komunistë ideal, në shtëpinë e të cilëve në Shkodër është themeluar edhe partia.
Origjina ime vjen nga një prejardhje intelektuale. Jo më kot zgjodha gjyshin nga mami sepse nuk e kam njoh, me të tjerët jam rrit.
“Bab Xhemali ka qenë tek aktivistët e grupeve të rinjve të Shkodrës. Bashkë me gjyshen kanë qenë të dy nga këta komunistë idealist. Dhanë gjithçka për lëvizjen antifashiste. Tek shtëpia e tyre është themeluar partia. Te shtëpia me shkallët, e 8 nëntorit të famshëm. Ata ishin qiraxhinj në atë shtëpi. Aty vinin komunistët dhe pinin verë. Ato shishet nuk i hidhte dot në plehra. Ato kanë eksituar edhe më vonë. Ajo i fuste në dhe, një lloj kamuflimi. Pas çlirimit patën ato pasojat e sistemit. Dajën e futën në burg dhe e internuan dhe ai vdiq në burg”, tregon Altini.
Këngëtari ‘ikon’ i viteve ’90 foli edhe për Irenën, bashkëshorten me të cilën ka 20 cite i martua, që për të është muzë frymëzimi. Altini tregoi mbi marrëdhënien e tyre, duke e quajtur me të qeshur si ‘tenxherja-kapakun’.
“Kemi 20 vite që jemi të martuar edhe është një dashuri e vazhdueshme. Irena e njoha shoqëri pas shoqërie. Ajo I ka pas inat këto grupet, ishte tip ndryshe, dëgjonte muzikën e huaj nuk ka pasur afeksion për shqiptarët. Ka qenë shumë rebele dhe prandaj më ka pëlqyer. Ka edhe një të bukur se një herë i kemi prerë flokët të dy të shkurtër. Ishim tenxherja me kapakun. Është një kimi e vazhdueshme dhe dashuria gjithmonë merr forma të tjera edhe me ardhjen e fëmijëve. Unë Irenës i them gjithmonë, je muza ime. Gjithmonë mbështetem jo vetëm për halle por edhe kur nxjerr një këngë të re e para që e dëgjon është ajo. Nuk bëjmë dot pa njëri tjetrin. Jemi rrit bashkë”, tha Altini.
Top Channel
