La Liga vendos rekord të ri për të drejtat televizive, mbi 1 miliard euro në sezon 28/11 18:31
Në Turqi po rriten zërat se Real Madridi është gati të lëvizë për talentin turk Kenan Yildiz, me qëllimin për ta bashkuar atë në të njëjtin ekip me Arda Güler – një dyshe që tifozët turq e shohin si të ardhmen e futbollit të tyre.
Sipas mediave turke, trajneri i Real Madridit Xabi Alonso ka qenë prej kohësh i impresionuar nga sulmuesi 20-vjeçar i Juventusit. Alonso kishte tentuar të nënshkruante me Yildiz që në kohën kur drejtonte Bayer Leverkusen, por marrëveshja nuk u realizua.
Tani, me Alonso në krye të Madridit, besohet se ai dëshiron të rikthejë interesin dhe ta sjellë Yildiz në “Santiago Bernabéu”.
Në Torino, Juventus ka planifikuar fillimisht rinovimin e kontratës së Yıldiz, përpara se të hapë bisedimet me klubet e interesuara. Por deri tani, drejtuesit nuk kanë arritur të gjejnë gjuhën e përbashkët me babanë dhe menaxherin e lojtarit, Engin Yildiz.
Kjo situatë ka ngritur dyshime se një transferim i mundshëm në verë mund të bëhet realitet, veçanërisht nëse Real Madridi vendos të bëjë një ofertë zyrtare.
Në Turqi, bashkimi i Güler dhe Yildiz në Madrid po shikohet si skenari ideal, duke krijuar entuziazëm të madh për të ardhmen e dy prej talenteve më të mëdhenj të futbollit turk.
Top Channel
