Roma-Napoli; përballje për titullin dhe sa histori në vitet e mrekullushme ‘80 26/11 14:52
Thirrja e dhomës së zhveshjes, vendi ku ndërtoi karakterin dhe triumfet e një karriere legjendare, rezultoi e parezistueshme për Marcello Lippin.
Ish-trajneri i Italisë u rikthye për disa minuta te Viareggio, ekipi i qytetit të tij të lindjes që militon në Eccellenza toskane, për të dhënë një mesazh motivues në një moment të vështirë për skuadrën, e cila po përballet me krizë rezultatesh dhe identiteti.
Me vetëm një pikë në katër ndeshje dhe një eliminim nga Kupa e Italisë, Viareggio po kalon një fazë delikate pas një starti premtues të sezonit. Lippi, pa tone të larta apo skena dramatike, zgjodhi qetësinë dhe ndjeshmërinë, duke folur drejtpërdrejt me lojtarët në praninë e drejtuesve të klubit.
“Kam fituar shumë, një Kupë Bote, Champions League dhe tituj kampionë, por edhe unë kam kaluar momente të vështira si ato që po përjetoni ju. Për t’i kaluar, duhet të jeni të bashkuar, të ndihmoni njëri-tjetrin dhe të jeni të vendosur në fushë”, ishte thelbi i mesazhit të tij.
Duke prekur zemrën, Lippi theksoi se emocionet duhet të shndërrohen në forcë konkrete: “Nga zemra mesazhi duhet të shkojë në kokë, dhe koka t’i vërë këmbët në lëvizje. Tani është radha juaj”.
Gjest i rrallë nga një kampion bote, që dëshmon edhe një herë se, përtej trofeve, futbolli mbetet një rrugë emocionesh, përgjegjësie dhe uniteti. Viareggio tani ka në duar jo vetëm fjalët e një legjende, por edhe frymëzimin për të dalë nga tuneli i krizës.
Top Channel
