Acerbi-Leao, çfarë ‘shkëndijash’ në derbin e Madonninës, tension i lartë mes futbollistëve 25/11 21:28
Santiago Gimenez, sulmuesi meksikan i Milanit, po përballet me një situatë të vështirë këtë sezon.
Pavarësisht pritshmërive të mëdha pas 65 golave në 105 paraqitje për Feyenoord dhe transferimit prej mbi 30 milionë eurosh në janar, Gimenez ka shënuar vetëm një gol këtë sezon, në Kupën e Italisë kundër Lecce, dhe aktualisht mungon për shkak të një dëmtimi në kyçin e këmbës.
Me Christian Pulisic dhe Rafael Leao që dominojnë sulmin e kuqezinjve, rikthimi i Gimenez në formacionin titullar duket i vështirë, dhe kjo ka ngritur thashetheme mbi të ardhmen e tij.
Sipas Claudio Raimondi nga Sportmediaset, Sunderland, i sapongjitur në Premier League dhe aktualisht vetëm dy pikë larg vendit të katërt, po ndjek sulmuesin meksikan dhe ka nisur kontaktet me agjenten e tij, Rafaela Pimenta. Klubi anglez synon një marrëveshje huazimi me detyrim blerjeje në kushte të caktuara.
Nga ana e tyre, kuqezinjtë nuk duan të humbasin financiarisht, por në rast të largimit të Gimenez, ata duhet të gjejnë zëvendësues. Në krye të listës së Milanit është Mateo Pellegrino i Parmës, që ka shënuar shtatë gola në 14 paraqitje në Serie A dhe Kupën e Italisë. Gjithashtu, në sfond është edhe Joaquín Panichelli i Strasburgut, i cili ka shënuar nëntë gola në 13 paraqitje në ligën franceze.
Top Channel
