E PLOTË/ Kompensim financiar, trupa ushtarakë dhe shkëmbime territoresh, ja çfarë parashikon propozimi europian për paqe në Ukrainë 23/11 23:01
Milani ka mundur Interin në derbin e parë të këtij sezoni me rezultatin 0-1, ku vendosi një gol i Pulisic dhe një penallti e pritur nga Maignan.
Sfida e luajtur në “San Siro” nisi mjaft mirë për zikaltrit, të cilët u ndalën dy herë nga Maignan dhe një herë nga shtylla.
Edhe në pjesën e dytë, ekipi i Chivu e nisi me vrull, por pa një kundërsulmi në minutën e 54’, Saelemaekers goditi dhe u ndal nga Sommer, por Pulisic ishte aty për ta shtyrë topin drejt rrjetës.
Zikaltrit kishin rastin e artë në minutën e 74’, kur pas një rishikimi me VAR, gjyqtari akordoi penallti për Interin, por Calhanoglu u ndal nga Maignan.
Me këtë fitore, Milani ngjitet në vendin e dytë me 25 pikë, dy më pak se Roma kryesuese, ndërsa Interi zbret në vendin e katërt me një pikë më pak.
REZULTATI:
INTER 0-1 MILAN
Pulisic 54′
NGJARET KRYESORE:
90+6′ Mbyllet sfida me fitoren 0-1 të Milanit!
90′ Akordohen 5 minuta shtesë.
74′ Calhanoglu godet nga pika e bardhë, por Maignan e ndal. (Video)
72′ Pas një rishikimi me VAR, gjyqtari akorodon 11-metërsh për Interin.
68′ Fofana godet brenda zonës, por ndalet nga Sommer.
54′ Goool Milan 0-1/ Saelemaekers godet nga distanca dhe ndalet nga Sommer, por Pulisic shfaqet në vendin dhe kohën e duhur për ta shtyrë topin drejt rrjetës. (Video)
51′ Thuram lëviz bukur në zonë dhe godet me të djathtën, por tentativa e tij ndalet nga Maignan pa probleme.
46′ Nis pjesa e dytë!
45+3′ Mbyllet pjesa e parë!
45′ Akordohen 3 minuta shtesë.
43′ Pulisic lëviz bukur drejt zonës dhe godet me të djathtën, por tentativa e tij shkon jashtë kuadratit.
41′ Saelemaekers godet me të parën në hyrje të zonës, me tentativën e tij që shkon mbi kuadrat.
37′ Lautaro godet brenda zonës me të djathtën, por Maignan reagon në mënyrën e duhur për t’i mohuar golin.
27′ Acerbi godet me kokë pas një krosimi nga këndorja, por tentativa e tij ndalet nga shtylla.
15′ Susic provon me një gjuajtje nga distanca, por tentativa e tij del jashtë kuadratit.
4′ Thuram provon me kokë, por Maignan e ndal në mënyrën e duhur.
1’ Starton sfida!
FORMACIONET ZYRTARE:
Top Channel
