Samiti për Planin e Rritjes në Tiranë, Spiropali: Mekanizmi financiar që afron më shpejt Ballkanin Perëndimor me BE 21/11 16:18
Sekretari i Përgjithshëm i Partisë Demokratike, Flamur Noka, ka reaguar ashpër ndaj komisioneres për Zgjerimin të BE-së, Marta Kos, pas deklaratës që zgjedhjet e 11 Majit ishin të lira dhe të ndershme.
Në një postim në Facebook, Noka e akuzon Kos se po “ambalazhon” një kryeministër të përfshirë në afera korruptive dhe narkoshtetërore me ngjyrat e BE-së, duke mos marrë parasysh raportet e OSBE-ODIHR për zgjedhjet.
Ai i kërkon zonjës Kos të mos lejojë devijimin nga standardet europiane, duke theksuar se Shqipëria duhet të përputhet me Evropën, jo të paraqitet si një Europë e kontrolluar nga Rama.
“Zonja Kos mos u bëj Bozë!
Jemi mësuar të shohim burokratë shëtitës të sponsorizuar nga #Soros, që shkrihen së qeshuri me batutat e Kinostudios që përdor #Rama.
Kemi parë Romanën, që sa qe në #Shqipëri nuk e ndjeu kurrë erën e barit që mbollën Rama dhe Tahiri.
Tani na ra për hise të shikojmë zonjën që “fut në formacion” të vetmin narkoshtetar të kontinentit, kryefirmëtar i aferave më të mëdha korruptive në Europë, i sponsorizuar nga kartelet dhe krimi i organizuar.
Komisionerja për Zgjerimin nuk e paska lexuar raportin e #OSBE-#ODIHR për zgjedhjet e përgjithshme në Shqipërinë e kontrolluar nga Edi Rama.
Çfarë e detyron zonjën komisionere ta ambalazhojë një narkoshtetar me ngjyrat e BE-së?!
Zonja Kos, e pyetët kryeministrin ç’u bë me fondet europiane #IPARD? Po pse, hajduti i IPARD-it do i kullandrisë paratë e taksapaguesëve europianë?! Ai që i bëri “rrush e kumbulla” për ministrat e tij?!
Marta Kos, ne e duam Shqipërinë si gjithë Europa, dhe jo Europën si gjithë #Shqipëria.
Keni dalë nga binarët e BE-së. Mos u bëni Bozë!”, shkruan Noka.
Top Channel
Top News- 25 vjetori i Institutit të Kontabilistëve. Arritjet e deritanishme dhe sfidat e së ardhmes
Top News – Deklarata për zgjedhjet e 11 majit. Bardhi: Komisionerja Kos, zëdhënëse e qeverisë ‘Rama’
