Rabiot sfidon Interin: Mezi pres të luaj derbin, do të ishte bukur të fitoja me Milanin 20/11 12:51
Milan është gati të përqafojë dyshen Rafael Leaon dhe Cristian Pulisic. Dy sulmuesit do të kthehen të luajnë së bashku në repartin e avancuar të kuqezinjve pas rreth 100 ditësh, që nga sfida e Kupës së Italisë ndaj Barit në muajin gusht.
Në atë ndeshje ‘bashkëjetesa’ zgjati vetëm 15 minuta për shkak të dëmtimit në pulpë të Leaos që u detyrua të mungojë në ndeshjet e para të kampionatit. Pas kthimit të Pulisic nga dëmtimi, Massimiliano Allegri është gati t’i hedhë të dy në fushën e lojës që nga minuta e parë në Derbin e Madonninës që është në program të dielën në mbrëmje.
Kështu Pulisic dhe Leao pasi kaluan vitet e kaluara në distancë në të dy krahët e fushës, do të gjenden përkrah njëri-tjetrit në skemën 3-5-2 të Massimiliano Allegrit. Është ky një lajm i rëndësishëm në radhët e kuqezinjve duke parë rendimentin e dobët të pjesës tjetër të sulmuesve. Si Gimenez ashtu edhe Nkunku nuk kanë bindur kur janë thirrur në apel, një arsye më shumë kjo që e bën rikthimin e dyshes Pulisic-Leao të jetë lajmi i madh.
Në këtë fillim sezoni, Leao ka shënuar 5 gola, ndërsa Pulisic, 6 për një total prej 11 golash të dy, nga 22 gola të shënuar nga Milani; pra 50% e golave të kuqezinjve kanë autorë Pulisic dhe Leao. Shifra që tregojnë edhe një herë se këta dy sulmues janë në qendër të projektit të Milanit.
Për të dy mbrëmja e së dielës do të jetë mundësia për të përmirësuar statistikat e tyre përsa iu përket ndeshjeve derbi. Leao është në kuotën e 3 golave të shënuar në 20 ndeshje, ndërsa Pulisic ka shënuar vetëm 2 në 7 sfida të tilla, por që të dy kanë rezultuar vendimtarë. Në sezonin e kaluar, amerikani zhbllokoi derbin e fazës së parë që u fitua nga Milani 2-1 dhe shënoi golin e barazimit në finalen e Superkupës së Italisë e fituar pikërisht nga kuqezinjtë me rezultatin 3-2.
Top Channel
