Irlanda e Veriut, Suedia dhe Maqedonia e Veriut; në vazot e shortit janë fantazmat e së kaluarës së Italisë 19/11 23:03
Paul Pogba sheh më në fund dritë në fund të tunelit,pas 26 muajsh, mesfushori francez mund të kthehet në fushën e lojës në fundjavë. Pogba është rikuperuar nga një problem në kavilje dhe do të jetë në dispozion të skuadrës për ndeshjen e Monaco me Rennes.
Një rikthim ky që pritej dhe që mund të kulmojë në fund të janarit me sfidën kundër ish skuadrës së tij, Juventusit në Ligën e Kampioneve. Ai që rindezi shpresat e rikthimit në fushën e lojës të Paul Pogba ishte trajneri i Monaco, Sebastien Pocognoli.
Një optimizën i kujdesshëm ky i diktuar nga kthimi në stërvitje me grupin i Pogba që prej muajsh ka përjetuar një periudhë të gjatë dhe të vështirë, mes skualifikimit për doping dhe dëmtimeve të njëpasnjëshme. Gjendja e Pogba , sidomos pas problemit në kavilje që e detyroi atë të shtyjë debutimin me skuadrën franceze, mbetet një temë diskutimi te Monaco
Pocognoli, pavarësisht kujdesit të nevojshëm që duhet në raste të tilla, e ka lënë të hapur mundësinë Pogba të kthehet rregullisht në skuadër. ‘Nuk është në filozofinë time që të flas shpesh për një futbollist të vetëm-tha Pocognoli-por Paul ka një status të vecantë dhe është normale që për të të flas. Shpresoj të jetë, por herën e fundit që e thashë se ai do të jetë, u dëmtua në kavilje. Nuk do të bëj parashikime. Do të kthehet kur të jetë e nevojshme. Kur është në fushë e shoh të lumtur. Detyra ime është ta ndihmoj bashkë me stafin. Vetëm duke e parë duke buzëqeshur në fushë do të ishte fantastike’
Top Channel
