Denis Meçe dhe Leonidha Guçe dy të arrestuarit për vrasjen e Egli Progës 15 muaj më parë kanë lënë qelitë e paraburgimit pasi Gjykata e Korçës ka ndryshuar masën e sigurisë ndaj tyre.
Sipas të dhënave për shtetasit Leonidha Guçe dhe Denis meçe të përfshirë në vrasjen e Egli Progës në 10 gusht të vitit 2024 ka përfunduar afati ligjor i paraburgimit dhe gjykata ka caktuar ndryshimin e masës së sigurisë nga “Arrest në burg” në “Arrest shtëpie”.
Aktualisht hetimi i prokurorisë është në pritje të rikuperimit të pamjeve filmike të cilat rezultuan se ishin fshirë nga kamerat e sigurisë që u sekuestruan në lokal “Stropcka” ku edhe nddodhi ngjarja më 10 gusht të vitit 2024.
Prokuroria e Korçës sipas informacioneve ka çuar jashtë Shqipërisë materialet e sekuestruara për ekspertim dhe për rikthim të tyre. Por duket se kjo ecuri e hetimeve është bërë shkak që të përfundojnë afatet e paraburgimit dhe pala mbrojtëse e Denis Meçes dhe Leonidha Guçes të kërkojë ndryshimin e mases së sigurisë për ta. Hetimet do të vijojnë por dy të arrestuarit do të qëndrojnë jashtë qelisë, ndërsa ata akuzohen për Vrasje me dashje, e kryer në bashkëpunim.
E njëjta procedurë për ndryshimin e masës së sigurisë do të ndiqet edhe për Voltan Shkulaku dhe Arjan Manellari të cilët u arrestuan për Moskallëzim Krimi dhe Veprime që pengojnë zbardhjen e së vërtetës.
Top Channel
