Ylli portugez i zbuloi Piers Morgan blerjen më të shtrenjtë të jetës së tij: një avion privat Bombardier Global Express 6500, një “hotel me krahë” luksoz i personalizuar deri në detajet më të vogla.
Pasuria neto e Cristiano Ronaldos vlerësohet në 1.2 miliardë dollarë, sipas Celebrity Net Worth, duke i lejuar atij të blejë, siç e pranon edhe vetë, çdo gjë në botë. Gjatë një interviste me Piers Morgan, portugezi zbuloi se cili është artikulli më i shtrenjtë që ka pasur ndonjëherë.
“Një avion. Kam pasur avion që kur isha 30 vjeç, por kohët e fundit i ndërrova dhe ishin pak të shtrenjtë”, shpjegoi Ronaldo. Konkretisht, Cristiano Ronaldo shijon qiellin me një Bombardier Global Express 6500, i cili i kushtoi afërsisht 50 milionë euro.
Bombardier Global Express 6500: Një “hotel” luksoz
Bombardier Global Express 6500 përshkruhet si një “hotel luksoz me krahë”. Në faqen e internetit të kompanisë thuhet: “Ofron kabinën më teknologjike dhe më të përparuar në klategorin[ e tij. Me argëtim 4K dhe sistemin e ndriçimit Soleil, ofron rehatinë dhe lidhshmërinë më të mirë në kabinë.”
Personalizim dhe komoditet personal
Avioni mund të konfigurohet plotësisht sipas shijes së blerësit, diçka që bëri Cristiano Ronaldo. Personalizimi lejon zgjedhjen e paraqitjes së vendeve dhe dhomave të takimeve, dekorimin (modern ose klasik), dhe madje edhe ngjyrën dhe formën e vijave të jashtme të avionit.
Përtej luksit estetik, Global Express 6500 ka elementë praktikë që kontribuojnë në një përvojë të këndshme: kuzhinë, furrë, frigorifer, banjo të plotë dhe një zonë pushimi për ekuipazhin. Dizajni i krahëve të tij lejon që efektet e turbulencave të zbuten, duke siguruar sigurinë dhe qetësinë e pasagjerëve.
Top Channel
