‘Glenn Hoddle është idiot. Terry Venables më paralajmëroi se “Hoddle do të përpiqet të bëjë emër për veten” – tha se ishte për shkak të pijes sime, por gjashtë lojtarë të tjerë qëndruan jashtë deri në orën 6 të mëngjesit’
Paul Gascoigne flet ekskluzivisht për FourFourTwo për refuzimin e tij në Kupën e Botës 1998 . Në një bisedë me FFT, Gazza kujton se si reagoi pasi u përjashtua nga skuadra përpara eliminatoreve të Anglisë në Francë ’98.
Do të mbetet përgjithmonë një zhgënjim që Paul Gascoigne luajti vetëm në dy turne të mëdha për Anglinë.
Gascoigne renditet në vendin e dytë në listën e FourFourTwo të mesfushorëve më të mirë anglez të të gjitha kohërave, kështu që mungesa e tij në shumë turne është ende një nga keqardhjet më të mëdha të Tre Luanëve.
Gazza ishte i jashtëzakonshëm si në Italia 90 ashtu edhe në Euro 96, por dëmtimi në gju që pësoi në finalen e Kupës FA të vitit 1991 e përjashtoi nga Euro 92, Anglia dështoi të kualifikohej për SHBA 94 dhe më pas erdhi momenti kur Glenn Hoddle njoftoi skuadrën e tij për Francën 98.
Paul Gascoigne flet për refuzimin e tij në Kupën e Botës 1998
Pas performancave të tij në Euro 96, pritej gjerësisht që Gascoigne të ishte pjesë e formacionit për Francën 98. Megjithatë, pak para turneut, ai ishte parë në një natë në Londër me mikun e tij Chris Evans.
Në fund të grumbullimit stërvitor para turneut, Gazza kishte ndjesinë se nuk do të hynte në skuadrën përfundimtare dhe u përball me Hoddle, duke ia shkatërruar dhomën. «Më duhej një vit për ta kapërcyer», tha ai për FourFourTwo.
“Po kaloja një divorc, nuk ishta mirë nga gjendja psikologjike, por Glenn Hoddle është idiot. Ai tha se kjo situatë ishte sepse unë pija. Atë natën kur piva një pije me Chris Evans, gjashtë lojtarë të tjerë ishin në një klub nate deri në orën 6 të mëngjesit.”
“Terry Venables më kishte paralajmëruar: ‘Ki kujdes, Hoddle do të përpiqet të bëjë emër për vete, nëpërmjet tej. Me shumë mundësi e bëri.” Gazza pranon se ndjeu se do të përjashtohej nga skuadra për shkak të mënyrës se si e bëri Hoddle. “Na u desh të rreshtoheshim si fëmijë jashtë dhomës, kështu që e dija”, kujtoi ai, duke folur në këtë intervistë ekskluzive për Four Four Two, që përkoi me lançimin e librit të tij të ri “Teta” (numri që mbante në fanellë Paul Gascoigne. “Hoddle është idiot gjithsesi, është shumë i keq.”
Gazza kishte frikë se ky mund të ishte fillimi i fundit të karrierës së tij me Anglinë dhe kishte të drejtë, ai nuk luajti më kurrë për vendin e tij. Kupa e Botës 1998 nga një perspektivë angleze ishte një turne që u do të mbahet mend, pasi rezultoi si një rrëmujë e vërtetë. Që nga mosmarrja e Gascoigne-it, te sjellja në kamp shëruesen e besimit Eileen Drewery (personazh ritualesh shpirtërore), e më pas kartoni i kuq famëkeq i David Beckham-it kundër Argjentinës, është një turne që hyri në librat e historisë.
Top Channel
