Barazimi në derbin me Torinon i dha edhe një indicie të rëndësishme Luciano Spallettit; progresin e bërë nga Edon Zhegrova. Futbollisti dardan u aktivizua si zevendësues ndaj skuadrës granata në vend të Conceiçao dhe ra menjëherë në sy me krosimet dhe driblimet.
Megjithatë në fund nuk rezultuan të mjaftueshme për Zonjën e Vjetër për të marrë 3 pikët. Ishte minuta e 64 kur trajneri toskan vendosi të bëjë zëvendësimin mes Conceiçao dhe Zhegrovës me portugezin që ishte mjaft mirë ne pjesën e parë, por që u pa një rënie në lojën e tij në minutat në vazhdim
Qasja psikologjike dhe teknike e Zhegrovës në derbi u evidentuan menjëherë, sidomos për dy krosimet ‘e hidhura’ në drejtim të zonës granata që kishte në portë një Paleari të pakalueshëm. Për më tepër Zhegrova krijonte edhe panic në zonën ofensive të tij, por pa ia dalë dot të dërgonte në zonë topin në mënyrë korrekte
E megjithatë vlerësohet fakti që në ato 26 minuta aktivizim, Zhegrova tentoi të ndizte një dritë në pasditen bardhezi të Juventusit në këtë ndeshje derbi
Top Channel
