Vdes në moshën 97-vjeçare James Watson, shkencëtari që zbuloi ADN dhe deshifroi kodin e jetës 07/11 21:12
Shtatë persona u sëmurën nga një pako me substancë të dyshimte, e cila u dërgua në një bazë ushtarake në Maryland, SHBA.
Pakoja përmbante një pluhur të bardhë, e cila po hetohet për të zbuluar përmbajtjen e saj. Personat që u sëmurën u transportuan menjëherë në Qendrën Mjekësore Malcolm Grow pasi u hap pakoja.
Ata morën ndihmën e nevojshme dhe më pas dolën nga spitali. Dhoma ku u hap pakoja, e vendosur në një ndërtesë ku ndodhet Qendra e Gatishmërisë së Gardës Kombëtare Ajrore, mbetet e mbyllur.
Baza e Përbashkët Andrews është baza ushtarake përmes së cilës personalitete të rëndësishme si presidenti, zëvendëspresidenti dhe sekretarët e kabinetit udhëtojnë rregullisht për punë zyrtare. Presidenti Donald Trump ishte në Bazën e Përbashkët Andrews të mërkurën.
Qendra e Gatishmërisë së Gardës Kombëtare Ajrore funksionon si një ndërlidhës midis Byrosë së Gardës Kombëtare dhe njësive të Gardës Kombëtare Ajrore në çdo shtet dhe territor.
Top Channel
