Milan, Igli Tare: Rinovimi i kontratës së Maignan? Jemi të qetë… 29/11 21:38
Christian Pulisic nuk do të marrë pjesë në ndeshjet miqësore të Shteteve të Bashkuara kundër Paraguait dhe Uruguait më 15 dhe 19 nëntor, pas një këputjeje të muskulit të kofshës së djathtë, e cila i kushtoi një muaj pushim.
Shkaku i lëndimit? Thirrja e fundit nga trajneri i kombëtares amerikane, Mauricio Pochettino, që e aktivizoi Pulisic pavarësisht problemeve fizike.
Amerikani është tashmë në Milano, i gatshëm për t’u rikthyer në fushë për Milanin, por ende nuk ka arritur në formën e tij më të mirë. Kjo është një lajm i mirë për Massimiliano Allegri-n, i cili do të mund ta menaxhojë Pulisic dhe ta përgatitë atë për derbin kundër Interit në fund të muajit.
Edhe Santiago Gimenez, që nuk u përfshi në listën e përzgjedhur të Meksikës, do të mbetet në Milanello për trajtim, megjithëse pritet të mungojë në sfidën ndaj Parmas.
Pulisic sqaroi vetë situatën përmes rrjeteve sociale: “Për disa muaj kam luajtur me një dëmtim në kyçin e këmbës që nuk më ka lejuar të jem 100% në formë ose të ndihem rehat në fushë. Kam vazhduar ta ndihmoj ekipin me vendosmëri, por dhimbja është shtuar. Ka ardhur koha për të bërë një pushim për t’u përqendruar në rikuperim dhe për t’u rikthyer sa më shpejt të jetë e mundur.”
Ndërkohë, Adrien Rabiot pritet të thirret nga Didier Deschamps për ndeshjet kualifikuese të Kupës së Botës të Francës kundër Ukrainës dhe Azerbajxhanit, ndërsa ende po rikuperohet nga një problem në pulpë. Milan shpreson që pas vlerësimit nga stafi mjekësor i Francës, Rabiot të kthehet sa më shpejt në dispozicion për klubin, veçanërisht për derbin e madh të muajit.
Top Channel
