“Dramë në Hollywood”, rrëzohet padia 400 milionë dollarëshe e aktorit Baldon kundër Blake Lively

Sipas dokumenteve, gjykatësi Lewis Liman firmosi vendimin më 31 tetor, duke theksuar se Baldoni dhe partnerët e tij në Wayfarer Studios kishin kaluar afatin ligjor për të ndjekur pretendimet e tyre, ndërsa çështja ishte rrëzuar fillimisht në qershorin e vitit të kaluar.

Gjykatësi njoftoi palët më 17 tetor për qëllimin e tij për të marrë një vendim përfundimtar. Vetëm Blake Lively u përgjigj, duke kërkuar finalizimin e vendimit, por me kusht që shpenzimet ligjore të mbeteshin në fuqi, kërkesë që gjykatësi e pranoi.

Ky zhvillim vjen pas padisë së ngritur në dhjetor nga vetë Blake Lively, e cila akuzon Baldonin për sjellje të papërshtatshme gjatë xhirimeve të filmit It Ends with Us dhe për një fushatë shpifjesh. Baldoni i ka mohuar të gjitha akuzat. Padia e Lively-t mbetet e hapur.

Ndërkohë, kundërpadia e Baldonit, që kërkonte 400 milionë dollarë dëmshpërblim nga Lively, bashkëshorti i saj Ryan Reynolds dhe publicisti i tyre, është rrëzuar plotësisht. Po ashtu është hedhur poshtë edhe një padi e veçantë prej 250 milionë dollarësh e Baldonit kundër New York Times.

“Si shumë gra të tjera, kam ndier dhimbjen e një padie hakmarrëse dhe turpin që ajo përpiqet të na shkaktojë. Edhe pse padia kundër meje u rrëzua, shumë gra nuk kanë burimet për të luftuar”, kishte shkruar në Instagram Blake Lively.

Aktorja shtoi se është “më e vendosur se kurrë të mbroj të drejtën e çdo gruaje për të mbrojtur veten, sigurinë, dinjitetin dhe historinë e saj.”

Avokatët e Lively-t, Esra Hudson dhe Mike Gottlieb, e cilësuan vendimin si “një fitore të plotë”, duke deklaruar se padia e Baldonit ishte “që në fillim e pabazë”.

Nga ana tjetër, avokati i Justin Baldonit, Bryan Freedman, akuzoi ekipin e Lively-t për “një njoftim të rremë fitoreje”, duke pretenduar se çështja përfshin “akuza të pavërteta për ngacmim seksual dhe një fushatë shpifjeje që nuk ka ekzistuar kurrë.”

Justin Baldoni loses $400M lawsuit against Blake Lively after missing court deadline. Read more: https://t.co/7bc1KZchnH pic.twitter.com/cV3s9hZvMC

— Complex (@Complex) November 1, 2025

Top Channel