Ishte viti 2005, Chelsea luante në Camp Nou ndaj Barcelonës në Ligën e Kampioneve, sfidë kjo që u fitua nga katalanasit 2-1 dhe me Jose Mourinho që në atë kohë ishte trajner i Bluve të Londrër, që kishte dalë krejtësisht nga vetja teksa në dhomën e zhveshjes nuk kurseu nga kritikat e forta asnjë prej futbollistëve të tij të asaj kohë.
Është Joe Cole, një prej futbollistëve të Chelsea të asaj kohe që zbulon këto prapaskena në autobiografinë e tij ‘Fubollist luksi’
‘Prova e parë e madhe si skuadër dhe ngelët në klasë. Shkuat në Camp Nou dhe u fshehët. Frikacakë! Zero trimëri’-ishin fjalët e thëna nga Jose Mourinho të cituara nga ish futbollisti në autobiografinë e tij.
‘Poshtëroi Petr Cech, John Terry dhe Frank Lampard…iu tha që Eto’o dhe Deco i gjunjëzoi-vijon Cole në rrëfimin e tij-Jose Mourinho mallkonte me një anglishte perfektë: ‘bastardë të mallkuar, nuk keni këllqe’, e bënte me zemërim, përçmim dhe zhgënjim. Dhoma e zhveshjes dukej si një sallë plot me të dënuar me vdekje që ishin në radhë për ekzekutim. Unë mendoja: ’20 sekonda për secilin prej nesh, prit kur të më vijë radha mua do më ngrenë nga toka’
Për fatin e mirë, joe Cole shpëtoi nga zjarri i zemërimit të Jose Mourinho.
‘Kur më erdhi radha mua dhe Damien Duff na tha që kishim luajtur mirë që dhe që u përpoqëm-tregonte më tej Joe Cole-u ndjeva si një person me sy të mbyllur para një skuadre pushkatimi, që u shpëtua në sekondën e fundit. Në atë moment askush nuk guxonte as të kollitej. Jose donte agresivitet dhe presing dhe ia arriti qëllimit. Në sfidën tjetër fituam 3-0 dhe nuk e lejuam Barcelonën të hynte në ndeshje. Mourinho dinte kur të të poshtëronte, por edhe kur të të ngrinte. Atë natë pas fitores ai më përqafoi dhe iu bërtiste tifozëve: ‘Joe Cole, fituam falë tij’. Ishte mënyra e tij për të më thënë që më kishte falur dhe unë e e ndjeva këtë’
Në fund Joe Cole theksonte se i ishte mirënjohës për shumë gjëra ndaj Mourinhos. ‘Na stërviste si askush më parë-tregon ish futbollisti-gjithcka ishte me top dhe pa ndërprerje, të kërkonte të mendoje teksa luaje, fizikisht ishte i lodhshëm, por të forconte në aspektin psikologjik’
Top Channel
