Ishte një ditë perfekte për familjen Ronaldo të shtunën, pasi babai dhe djali shënuan në atë që tashmë ishte një datë historike për familjen.
Cristiano Senior shënoi golin e 952-të të karrierës së tij të jashtëzakonshme, ndërsa djali i tij, Cristiano Junior, gjeti rrjetën për herë të parë përfaqësuesen e Portugalisë U16. Të dy golat erdhën rastësisht në përvjetorin e një goli të veçantë që ishte fillesa e jashtëzakonshme e një prej ikonave të futbollit. Më 1 nëntor 2003, Ronaldo shënoi golin e tij të parë për Manchester United kundër Portsmouth. Ai, sigurisht, më pas u bë një legjendë e klubit dhe shënoi 145 gola për Djajtë e Kuq gjatë dy periudhave të tij në “Old Trafford”.
Tani, 22 vjet më vonë, është djali i tij që shënon një gol historik po atë ditë, duke filluar aventurën e tij ndërkombëtar me përfaqësuesen U16. Cristiano Jr gjeti rrjetën për herë të parë për Portugalinë në fitoren 3-0 ndaj Uellsit në Turneun e Kupës së Federatave. 15-vjeçari, i cili luan në formacionin e të rinjve të Al Nassr, debutoi për ekipin U16 në fillim të kësaj jave kundër Turqisë dhe shënoi në ndeshjen e tij të dytë të këtij kompeticioni të shtunën. Ai hyri nga stoli si zëvendësues përpara se të shënonte golin e parë të ndeshjes ndërkombëtare në minutën e 42-të. Cristiano Jr. luajti mjaft mire minutat që pati në dispozicion, dhe shënoi në mënyrë perfekte një gjuajtje të ulët me të djathtën në cepin e poshtëm nga buza e zonës.
Një video e golit të tij u përhap në rrjetet sociale dhe Ronaldo u sigurua që të reagonte ndaj goditjes speciale të të birit. Ai e ripostoi pamjet në Instagram, me mbishkrimin sipër me tre emoji zjarri.
Në të njëjtën ditë kur djali i tij shënoi një gol historik, Ronaldo iu afrua rekordit më të madh të pare ndonjëherë në lojën moderne të futbollit. Legjenda portugeze vazhdon të shënojë në moshën 40-vjeçare dhe i është afruar gjithnjë e më shumë shifrës së 1,000 golave. Ai shënoi dy herë, përfshirë një gol fitues dramatik në minutën e 104-të, për Al Nassr kundër Al Fahya të shtunën në mbrëmje. Dopieta e Ronaldos i siguroi një fitore vendimtare ekipit të tij në Ligën Profesionale Saudite, pasi ata ruajtën rekordin e tyre prej 100 përqind. Kjo e çoi atë në 952 gola në karrierë dhe 48 larg historisë. Forma e tij dëshmon se ai ka të ngjarë të vazhdojë të shënojë gjithashtu, me pasi ka arritur të gjejë rrugën e rrjetës 8 herë në shtatë ndeshjet e fundit deri më tani në këtë sezon.
Top Channel
