128 Vjet Juventus, mesazhi prekës i ikonës Del Piero: Ne jemi eleganca dhe krenaria 01/11 16:35
A është kjo një pikë kthese për Interin? Ende është herët për ta thënë me siguri, por një gjë është e qartë: pronësia e klubit zikaltër po ndryshon formalisht.
Pas disa muajsh spekulimesh, fondi kanadeze Brookfield ka blerë 26% të aksioneve të Oaktree, në një marrëveshje me vlerë rreth 3 miliardë dollarë. Ky transaksion përfshin gjithashtu edhe 100% të pronësisë mbi Interin, duke e bërë Brookfield zyrtarisht pronarin e ri të klubit milanez.
Në realitet, ndryshimi është më shumë formal sesa praktik: Brookfield – e cila zotëron asete me vlerë 88 miliardë dollarë – kishte tashmë kontroll të plotë mbi Oaktree, që nga blerja e pjesës më të madhe të saj në vitin 2019. Kjo lëvizje është, pra, përmbyllja e një procesi që kishte nisur vite më parë.
Fondi kanadez, i listuar në bursat e Nju Jorkut dhe Torontos, menaxhon mbi 2 trilionë dollarë në fonde, dhe pritet të ketë ndikim të drejtpërdrejtë në projektet strategjike të Interit.
Një detaj interesant: Brookfield do të paguajë këstin e parë prej 73 milionë dollarësh për blerjen e stadiumit “San Siro”, shumë që duhet të derdhet brenda 10 ditëve.
Nëse kjo lëvizje do të sjellë stabilitet afatgjatë apo ndryshime të mëdha në menaxhimin e klubit, mbetet për t’u parë — por një gjë është e sigurt: Inter po hyn në një kapitull të ri të historisë së tij financiare dhe sportive.
Top Channel
