Komiteti disiplinor i Federatës Turke të Futbollit (TFF) ka pezulluar 149 gjyqtarët të akuzuar për baste në ndeshje në shkelje të rregullores.
Pezullimet variojnë nga tetë deri në 12 muaj, detajoi TFF, duke shtuar se hetimet po vazhdojnë për tre gjyqtarë të tjerë të përfshirë. Të hënën, hetimi i federatës ndaj 571 gjyqtarëve në ligat profesionale turke zbuloi se 371 prej tyre kanë llogari bastesh sportive dhe 152 po vënë baste aktive.
“Referimi është një profesion i nderuar. Kushdo që e njollos këtë nder nuk do të marrë pjesë më kurrë në futbollin turk”, tha dje kryetari i TFF-së, Ibrahim Hasiosmanoglu.
Njëzet e dy nga gjyqtarët e përfshirë (shtatë gjyqtarë kryesorë dhe 15 gjyqtarë asistentë) gjykojnë në divizionin e parë, sipas federatës. Dhjetë nga gjyqtarët e regjistruar në hetimin e TFF-së vendosën më shumë se 10,000 baste, me njërin prej tyre që vendosi 18,227 baste. Dyzet e dy gjyqtarë vendosën baste secili në më shumë se 1,000 ndeshje futbolli. Megjithatë, ai nuk specifikoi nëse kishte ndonjë të dyshuar për baste në ndeshjet që kishin arbitëruar. Një hetim është nisur edhe nga zyra e prokurorit të Stambollit.
Top Channel
