“Kur antidopingu më shpëtoi nga Spalletti”, rrëfehet ish-sulmuesi i Italisë: Dy vjet pa futboll, nuk e kam menduar kurrë të largohem 29/10 17:16
Pas një vere të mbushur me pritje dhe entuziazëm, Ardon Jashari është gati të fillojë realisht kapitullin e tij te Milani.
Mesfushori me origjinë shqiptare, që u transferua nga Club Brugge për mbi 40 milionë euro, u përball menjëherë me një pengesë të madhe – një frakturë të përbërë në fibulë, e pësuar gjatë stërvitjes pas një përplasjeje me Santiago Gimenez.
Lëndimi e mbajti atë jashtë fushës për më shumë se dy muaj, por tani 22-vjeçari është pranë rikthimit.
Sipas mediave italiane, Jashari ka vijuar deri sot me stërvitje individuale në Milanello, por nga nesër do t’i bashkohet grupit në seancat kolektive, duke sinjalizuar fundin e periudhës së rikuperimit.
Kthimi i tij është një lajm i mirë për trajnerin Massimiliano Allegri, i cili e sheh Jasharin si një element thelbësor për balancën e mesfushës kuqezi.
Edhe pse nuk pritet të jetë pjesë e skuadrës në ndeshjen e fundjavës ndaj Romës, Jashari mund të rikthehet në fushë pas pushimit të kombëtareve, më 23 nëntor, në derbin e shumëpritur.
Allegri e konsideron mesfushorin zviceran me origjinë shqiptare si organizatorin ideal përpara mbrojtjes, një rol që mund ta alternojë me Luka Modric, i cili ka luajtur çdo ndeshje deri tani.
Në një skuadër ku Rabiot dhe Pulisic janë ende jashtë për shkak dëmtimesh, Jashari pritet të bëhet një armë e re në duart e Allegrit për pjesën e dytë të sezonit. Rikthimi i tij i jep Milanit jo vetëm freski në mesfushë, por edhe një alternativë të vlefshme për të ardhmen.
Top Channel
