Video/ Napoli mund me vuajtje ekipin e shqiptarëve, një gol dhe një penallti e humbur i mjaftojnë skuadrës së Contes për të ruajtur vendin e parë 28/10 20:30
Futbolli italian është tronditur sot nga lajmi i përfshirjes së portierit të dytë të Interit, Josep Martinez, në një aksident tragjik që ndodhi në Appiano Gentile, ku humbi jetën një 81-vjeçar.
Ngjarja ndodhi mëngjesin e së martës, teksa Martinez ishte në drejtimin e automjetit të tij.
27-vjeçari spanjoll, i lindur në Alzira, në Komunitetin Valencian, kishte mbërritur në Milano në verën e vitit 2024, i kërkuar nga trajneri Simone Inzaghi, pas një sezoni të shkëlqyer me Genoan. Interi e transferoi për 13 milionë euro plus 2 milionë euro bonuse, duke e parë si një investim të rëndësishëm për të ardhmen e klubit.
Nga Barcelona te Interi: rruga e një portieri që e nisi nga ëndrra e fëmijërisë
Martinez u rrit në një familje me pasion për portën – babai i tij ishte portier, edhe pse jo profesionist. Ai filloi të luante futboll në moshën pesëvjeçare për ekipin e qytetit të tij të lindjes, derisa skautët e Barcelonës vunë re talentin e tij. Në moshën 16-vjeçare, ai iu bashkua akademisë së famshme “La Masia”, ku zhvilloi dy sezone me ekipin e të rinjve të katalanasve.
Në vitin 2018 vendosi të kërkonte më shumë hapësirë dhe kaloi te Las Palmas, ku bëri debutimin me ekipin e parë në vitin 2019. Dy vite më vonë, në 2020, ai u transferua në Leipzig, por atje nuk gjeti shumë minuta për shkak të konkurrencës së madhe.
Shpërthimi me Genoan dhe kalimi te Interi
Për Martinez, pika e kthesës erdhi në vitin 2022, kur iu bashkua Genoas së trajnerit Alberto Gilardino në Serie B. Fillimisht alternohej në portë me Semperin, por më vonë fitoi besimin e trajnerit dhe përfundoi sezonin me 17 ndeshje pa pësuar gol në 30 paraqitje, duke ndihmuar klubin të ngjitej në Serie A.
Në sezonin pasardhës, ai u konfirmua si titullar, duke qenë ndër portierët me më pak gola të pësuar në kampionat — më pak edhe se Napoli, Milani, Roma dhe Fiorentina.
Këto paraqitje bindëse e çuan në verën e 2024-s drejt Interit, ku debutoi më 19 dhjetor në Kupën e Italisë ndaj Udineses (fitore 2-0), ndërsa në 22 shkurt 2025 bëri debutimin në Serie A kundër ish-skuadrës së tij, Genoa, duke ruajtur portën të paprekur në fitoren 1-0.
Në sezonin e fundit, Martinez zhvilloi 10 ndeshje në total, duke u konsideruar si zëvendësues i denjë i Yann Sommer, ndërsa në klub shihej si një investim i rëndësishëm për të ardhmen.
Aktualisht, pas aksidentit tragjik, Martinez ndodhet në gjendje shoku, ndërsa autoritetet italiane po vijojnë hetimet për të zbardhur dinamikën e ngjarjes që i mori jetën 81-vjeçarit Paolo Saibene.
Top Channel
