Në Durrës ngriti siparin e tij Kampionati Evropian i Peshëngritjes për Të Rinj dhe kategorinë U23, një kompeticion ky që do të zgjasë për 8 ditë deri në 4 nëntor, një eveniment ky që zhvillohet në pallatin e Sportit ‘Ramazan Njala’ në qytetin bregdetar.
Padyshim që në këtë kompeticion të rëndësishëm, vëmendja është pikërisht te përfaqësuesja e Shqipërisë ky sytë e të gjithëve do të jenë në mënyrë të vecantë tek dy emrat më të spikatur të peshëngritjes sic janë Enkileda Carja dhe Ertjan Kofsha.
Kampionia dhe rekordmenia e Evropës në kategorinë U17, do të garojë në 31 tetor në kategorinë Junior në peshën deri në 31 kg në një garë ku ajo do të kërkojë t’i shtojë të tjera medalje peshëngritjes. Ndërsa Ertjan Kofsha do të garojë në 2 nëntor në kategorinë Junior për peshën deri në 94 kg, edhe për kofshën pritshmëritë janë të larta duke qenë se përpara 2 javësh në Botërorin për të rritur të zhvilluar në Norvegji peshëngritësi ynë vendosi rekord të ri evropian në stilin e shkëputjes me 161 kg.
Po kështu në Evropianin e Peshëngritjes për të rinj dhe U23 do të garojnë edhe Samoel Rrasa në Grupin B në kategorinë e të rinjve në peshën deri në 71 kg, antonino Mullisi në peshën deri 79 kg, Saimir Lagja në kategorinë U23 në peshën deri në 71 kg, Maida Lozi dhe Gea Dokollari.
Top Channel
