Në Stamboll u luajt ndeshja e raundit të tretë të Ligës së Kampionëve midis ekipit vendas Galatasaray dhe Bodo/Glimt. Klubi turk arriti të fitojë me rezultatin 3-1, me Osimhen që shënoi dy herë.
Përveç atmosferës së shkëlqyer që krijuan, tifozët e Galatës treguan edhe një herë solidaritetin e tyre ndaj Gazës. Në pjesën e tribunës së tifozëve ultras pas porte ku qëndrojnë tifozët më të zjarrtë të Galatasarayt, në momentin kur të dy ekipet dolën në fushë, ata shpalosën një banderolë të madhe me mbishkrimin: “Ndal gjenocidit”, dhe mijëra njerëz valëvitën flamuj palestinezë.
Ju kujtojmë se pavarësisht faktit që armëpushimi midis Izraelit dhe Hamasit është në fuqi, situata në Gaza është ende katastrofike dhe jeta e më shumë se dy milionë palestinezëve është jashtëzakonisht e vështirë.
Top Channel
