Një tifoz VIP i Interit, i gëzohet golit të Bellingham, bëhet fjalë për… 23/10 00:25
Iu ndalohen transfertat për 3 muaj. Kjo ishte masa e marrë nga ministri i brendshëm italian, Mario Piantedosi për tifozët e e Pisas dhe Veronës
Vendimi erdhi pas një debati me Observatorin Kombëtar në lidhje me eventet sportive. Arsyeja janë përleshjet mes tifozerive të të dyja skuadrave në sfidën e 18 tetorit në Pisa përpara fillimit të përballjes.
Vendimi do të zbatohet menjëherë që të premten e 24 tetorit kur do të luhet ndeshja mes Milanot dhe Pisas. Dhe për këtë ndeshje për skuadrën mike ishin shitur 4000 bileta.
Në 18 tetor, në orën 11:30, rreth 200 tifozë ultras të Veronës, të pashoqëruar shkuan pranë Arena Garibaldi. Aty, në qendër të qytetit pati kontakte me tifozë të Pisas ku nuk munguan hedhjet e sendeve në drejtim të njëri-tjetrit madje pati edhe konfrontim fizik. U shënuan një sërë incidentesh që u qetësuan vetëm pas ndërhyrjes së forcave të rendit që përdorën gaz lotsjellës për të shpërndarë turmën. Në vendin e ngjarjes u gjetën sende që u përdorën si armë: një thikë, tub hidraulik, shkop flamuri i mbuluar me çemento. Dy ditë më vonë, 5 tifozë veronezë u lanë në arrest shtëpie.
Top Channel
