Begaj i kërkoi Kushtetueses të rrëzojë kërkesën e Veliajt, Artan Fuga: A e dinë në Presidencë se Gjykata nuk varet nga kreu i Shtetit që nga koha e Haxhi Lleshit? 15/10 23:06
Interi ka shënuar një arritje historike: për herë të parë në 15 vjet, klubi ka regjistruar fitim neto, duke kapur 35.4 milionë euro dhe një rritje neto prej 70 milionë eurosh në krahasim me vitin e kaluar.
Në të njëjtën kohë, të ardhurat totale të Nerazzurrëve arritën një rekord prej 567 milionë eurosh, 94 milionë më shumë se një vit më parë – një nivel rekord për Serie A.
Shifrat u njoftuan sot gjatë mbledhjes së aksionarëve dhe pasqyrojnë suksesin financiar të klubit, i nxitur nga rritja e të ardhurave nga garat vendase dhe evropiane, pjesëmarrja në Kupën e Botës për Klube FIFA dhe zhvillimet komerciale si sponsorizimet dhe ditët e ndeshjeve.
Presidenti i klubit, Beppe Marotta, komentoi rezultatet: “Ky është një moment historik për Interin. Fitimi neto reflekton forcën e strategjisë sonë, efikasitetin operativ dhe maksimizimin e burimeve tona. Falënderoj Oaktree për mbështetjen dhe vizionin strategjik që kanë ofruar.”
Marotta shtoi se miratimi i projektit për stadiumin San Siro dhe zonat përreth hap mundësi të jashtëzakonshme për klubin, tifozët dhe futbollin italian në përgjithësi. “Ambicia jonë është të krijojmë një strukturë moderne dhe inovative që do të jetë model për klubet evropiane dhe nxitës për zhvillimin e vazhdueshëm të komunitetit,” tha ai.
Ky bilanc shënon një pikë kthese për Interin, duke i dhënë klubit stabilitet financiar dhe perspektiva pozitive për të ardhmen, si brenda fushës ashtu edhe jashtë saj.
Top Channel
