“Nuk jeton një histori dashurie dy herë”/ Nga Juventusi te presidenca e FIFA-s, rrëfehet Platini: VAR-i nuk do ekzistonte nëse… 10/10 19:10
Interi ka hedhur sytë drejt Brazilit dhe më konkretisht drejt një emri që ngjall kujtime të forta: Robinho Jr, djali i ish-sulmuesit të njohur brazilian Robinho, është tashmë në radarin e klubit zikaltër.
Sipas raportimeve nga UOL Esporte, një përfaqësues i Interit pritet të udhëtojë së shpejti në Brazil për të ndjekur nga afër paraqitjen e talentit të lindur në vitin 2007, në ndeshjen e ekipit të tij Santos kundër Corinthians. Gjithashtu, është planifikuar edhe një takim me përfaqësuesit e lojtarit.
Robinho Jr ka një kontratë me Santosin që zgjat deri në vitin 2027, me një klauzolë që e detyron të qëndrojë edhe dy vite të tjera në klub pasi të mbushë moshën madhore – gjë që ndodh në dhjetor 2025.
Pavarësisht se ndodhet në fillimet e karrierës së tij, ai tashmë ka debutuar me ekipin e parë më 17 korrik, në një fitore 1-0 kundër Flamengos, dhe është vlerësuar për potencialin e tij.
Interi, në kërkim të talenteve të reja për të rinovuar skuadrën, e sheh Robinho Jr si një investim për të ardhmen, ndoshta për sezonin 2026. Por konkurenca është e fortë: Liverpool dhe Chelsea janë gjithashtu në garë dhe kanë nisur të ndjekin nga afër zhvillimin e lojtarit.
Dymbëdhjetë vite pas ndeshjes së fundit të Robinhos senior në Itali, i cili më pas u arrestua për përdhunimin e një vajze shqiptare, një tjetër Robinho mund të zbarkojë në Milano – këtë herë jo te Milani, por te Interi.
Top Channel
