Ekspozimi i përditshëm ndaj plastikës/ Eksperimenti i tre gazetarëve me byzylykët gjurmues të kimikateve zbuloi nivelin alarmant të ndotjes kimike që përjetojmë çdo ditë 07/10 21:55
Donald Trump uroi politikanen ultrakonservatore nacionaliste Sanae Takaichi, 64 vjeç, kryetare e Partisë Liberale Demokratike (LDP), e cila pritet të betohet zyrtarisht si kryeministrja e re e Japonisë në ditët në vijim.
Ajo do të jetë gruaja e parë që mban këtë pozicion në historinë e vendit.
“Japonia sapo ka zgjedhur kryeministren e saj të parë femër, një person shumë i respektuar me mençuri dhe forcë të madhe. Ky është një lajm i shkëlqyer për popullin e jashtëzakonshëm të Japonisë. Urime të gjithëve!”, tha presidenti 79-vjeçar i SHBA-së në Truth Social, pa përfshirë emrin e saj në postimin e tij.
Duke reaguar, znj. Takaichi tha në X se ishte “shumë e kënaqur” me “fjalët e ngrohta” të z. Trump. “Shpresoj vërtet që do të punojmë me Presidentin Trump për ta bërë aleancën tonë edhe më të fortë dhe më të begatë dhe për të promovuar një Indo-Paqësor të lirë dhe të hapur.”
Top Channel
