“‘ARUBA’ prej vitesh është këtu, ne e mësuam nga mediat e huaja”, Berisha: Kam konfirmim se emri i Ramës është në dosje 06/10 11:15
Milani vijon të përballet me një problem të përsëritur dhe shqetësues: humbjen e penalltive.
Në ndeshjen e fundit ndaj Juventusit, Christian Pulisic humbi një tjetër 11-metërsh vendimtar, duke i kushtuar Milanit dy pikë të vlefshme.
Ky ishte gabimi i dytë i amerikanit me fanellën kuqezi, dhe i radhës në një listë që po bëhet alarmante.
Sipas të dhënave të Opta, që nga fillimi i vitit 2024 Milan ka humbur 7 nga 13 penalltitë e ekzekutuara në Serie A – përqindja më e lartë e dështimeve (54%) në pesë ligat kryesore të Evropës gjatë kësaj periudhe.
Në total, skuadra ka humbur pesë nga shtatë penalltitë e fundit në kampionat, duke shënuar një rekord negativ që po e shoqëron nga sezoni i kaluar, tashmë i cilësuar si katastrofik.
Pas ndeshjes, trajneri Massimiliano Allegri u shpreh i zhgënjyer: “I thashë të mos e gjuante pa pikë”, komentoi ai lidhur me gabimin e Pulisic. Megjithatë, Allegri pranoi se ky është një aspekt që kërkon stërvitje dhe përqendrim të vazhdueshëm.
Përtej gabimit nga 11 metra, kuqezinjtë treguan kompaktësi dhe përmirësim në lojë, veçanërisht kundër një rivali të drejtpërdrejtë si Juventusi. Një fitore do t’i kishte afruar edhe më shumë me objektivat e renditjes, por për momentin humbjet e penalltive dhe mungesa e qetësisë në momentet vendimtare mbeten një plagë e hapur.
Përveç Pulisic, edhe Rafael Leao gaboi dy herë nga shumë afër portës në pjesën e dytë, duke humbur raste të arta që mund të kishin ndryshuar fatin e takimit. Për një Milan që është në proces rindërtimi, këto janë dhurata që nuk mund të përballohen.
Nëse kuqezinjtë duan të rikthehen seriozisht në garën për kreun e Serie A, trajtimi i krizës së penalltive dhe përqendrimi në momentet kyçe janë kthyer në domosdoshmëri.
Shtatë penalltitë e fundit të Milanit:
05/10/2025 – Juventus-Milan 0-0 – Pulisic (jashtë)
30/04/2025 – Napoli-Milan 2-1 – Gimenez (e pritur)
08/03/2025 – Lecce-Milan 2-3 – Pulisic (gol)
22/02/2025 – Torino-Milan 2-1 – Pulisic (e pritur)
26/01/2025 – Milan-Parma 3-2 – Pulisic (gol)
06/10/2025 – Fiorentina-Milan 2-1 – Hernandez (e pritur)
06/10/2025 – Fiorentina-Milan 2-1 – Abrahami (e pritur)
Top Channel
