Zgjedhjet në Moldavi, partia pro-evropiane kryeson me 42% 28/09 22:55
Milani ka arritur një fitore tepër të rëndësishme përballë Napolit në kryesfidën e javës së 5-të të Serie A, me “Djallin” që triumfoi 2-1 në shtëpi.
Sfida e luajtur në “San Siro” nisi me një ritëm të lartë nga kuqezinjtë, të cilët kaluan në avantazh që në minutën e 3-të me anë të Saelemaekers. Skuadra e Allegrit filloi të buzëqeshte, kur në minutën e 31-të ishte Pulisic që dyfishoi shifrat.
Gjërat filluan të përkeqësoheshin në minutën e 57-të kur Estupiñan u ndëshkua me një karton të kuq pas një ndërhyrjeje të gabuar në zonë, me De Bruyne që shndërroi në gol 11-metërshin e fituar.
Gjithsesi, në minutat e mbetura të besuarit e Allegrit e menaxhuan më së miri lojën, duke ruajtur rezultatin dhe duke marrë tre pikë të rëndësishme përballë kampionëve në fuqi të Italisë.
Kështu, Milani ngjitet në vendin e parë të renditjes me 12 pikë, po aq sa edhe Napoli.
REZULTATI: MILAN 2-1 NAPOLI Saelemaekers 3’, Pulisic 31’ / De Bruyne 60’ (P)
Top Channel
