Emina Cunmulaj trondit me rrëfimin e papritur: Ish-bashkëshorti shqiptar më ka… 20/09 22:40
Një violinë që dikur i përkiste njërit prej shkencëtarëve më të famshëm në botë pritet të shitet për deri në 300,000 paund në një ankand në Gloucestershire të Anglisë, muajin e ardhshëm.
Instrumenti muzikor i vitit 1894 është një nga disa sende që dikur i përkisnin Albert Ajnshtajnit dhe do të dalë në ankand në shtëpinë e ankandeve të Dominic Winter në South Cherney më 8 tetor.
Gjithashtu në shitje është një shalë biçiklete dhe një libër filozofie që Ajnshtajni ia dha një miku në vitin 1932.
Eksperti i objekteve historike, Chris Albury, i tha BBC-së se ishte i emocionuar për shitjen e “sendeve jashtëzakonisht historike”. Violina Zunterer në madhësi reale besohet të jetë e para që vetë Ajnshtajni bleu.
Të gjitha sendet e paraqitura në ankand iu dhanë mikut të tij të mirë dhe fizikantit tjetër Max von Laue në fund të vitit 1932.
Menjëherë pas kësaj, Ajnshtajni iku në Amerikë për t’i shpëtuar rritjes së antisemitizmit dhe nazizmit në Gjermani. Njëzet vjet më vonë, Max von Laue ia dhuroi ato një të njohure dhe admirueseje të Ajnshtajnit, Margarete Homrich dhe tani stërmbesa e saj po i ofron ato në shitje.
Një violinë tjetër që dikur i përkiste Ajnshtajnit, e cila iu dha atij si dhuratë kur mbërriti në SHBA në vitin 1933, u shit në ankand për 516,500 dollarë (370,000 £) në Nju Jork në vitin 2018.
Top Channel
