“Ne duam të arrijmë objektivat tona”, ministri i Jashtëm izraelit: Nuk përjashtohet një operacion tokësor në Iran dhe Liban 02/03 20:52
Një vullkan shpërtheu të premten në mbrëmje në ishullin turistik Flores, në Indonezinë lindore, menjëherë pasi autoritetet lëshuan alarmin maksimal, duke shkaktuar kryesisht mbylljen e një aeroporti lokal të shtunën.
Shpërthimi më i madh në malin Lewotobi Laki-Laki , një vullkan 1,584 metra i lartë në ishull ndodhi në mesditë, duke nxjerrë material vullkanik gjashtë kilometra mbi majat e tij, tha shërbimi kombëtar i vullkanologjisë në një deklaratë.
Disa shpërthime të tjera u regjistruan të shtunën në mëngjes, duke hedhur hi 2.5 kilometra në qiell.
Muhammad Wafid, kreu i shërbimit gjeologjik, u bëri thirrje banorëve dhe turistëve të qëndrojnë të paktën gjashtë kilometra larg kraterit.
Vullkani shpërtheu edhe në korrik, duke hedhur hi prej 18 km të gjatë që detyroi anulimin e 20 fluturimeve në aeroportin e ishullit turistik të Balit.
Top Channel
