Tjetër goditje politike për Starmer, drejtori i strategjisë së kryeministrit jep dorëheqjen pasi iu kapën mesazhe seksuale për deputeten britanike 15/09 19:28
Një ngjarje e pazakontë dhe e frikshme është regjistruar në ujërat pranë plazhit Fonte da Telha, në Portugali, ku një varkë turistike u fundos pasi u përplas disa herë nga një tufë balenash vrasëse (orka).
Ngjarja ndodhi të shtunën dhe është filmuar nga dëshmitarë të pranishëm në zonë.
Pamjet dramatike tregojnë momentin kur disa orka i afrohen anijes me shpejtësi, ndjekin varkën dhe më pas nisin përplasjet e fuqishme në trupin e saj, duke e bërë që të lëkundet rrezikshëm dhe më pas të fundoset gradualisht në det.
‼️LISBON, PORTUGAL: ORCAS SANK A SAILBOAT!
Another sailboat was attacked and sank by orcas, on the portuguese coast, nearby Lisbon (Costa da Caparica).
This has been happening for a while now, as this is the third sank boat in one year. The first one was at Gibraltar, the second… pic.twitter.com/S7nOPM3gSX— Alex B. (@maisumcarneiro) September 13, 2025
Sipas Autoritetit Kombëtar Detar të Portugalisë, anija me vela i përkiste klubit Nautic Squad dhe kishte në bord pesë persona. Ata u shpëtuan nga një tjetër varkë turistike që ndodhej afër, përpara se rojet bregdetare të mbërrinin në vendngjarje.
Në një incident të ndarë, një varkë tjetër rekreative, me katër persona në bord, u përball me të njëjtën tufë orkash në veri të Cascais dhe gjithashtu kërkoi ndihmë. Edhe këta persona u shpëtuan pa lëndime.
Në total, në dy incidentet, u shpëtuan nëntë persona. Autoritetet konfirmuan se të gjithë ishin në gjendje të mirë shëndetësore dhe nuk kishin nevojë për trajtim mjekësor.
Bernardo Queiroz, drejtor i “Mercedes-Benz Oceanic Lounge”, tha se ndodhej në një turne për të parë delfinët kur vuri re lëvizje të çrregullta të një varke në distancë. Pasi iu afruan, panë katër orca duke qarkuar varkën, ndërsa ekuipazhi përpiqej në panik të ruante ekuilibrin. Varka u fundos për pak minuta, para se të mund të tërhiqej në vend të sigurt.
Ky nuk është rasti i parë. Që nga viti 2019, raportimet për sulme të orkave në anije janë shtuar ndjeshëm në ujërat mes Galicisë dhe Ngushticës së Gjibraltarit. Vetëm mes viteve 2020–2023 janë regjistruar rreth 500 sulme, ku 20% e mjeteve janë dëmtuar rëndë, dhe disa janë fundosur.
Shkencëtarët ende nuk kanë një përgjigje të qartë për këtë sjellje të pazakontë. Disa biologë besojnë se orkat mund të veprojnë nga mërzia, duke kërkuar emocione të forta ose reagime në kontakt me varkat.
Muajin e kaluar, rojet bregdetare në Spanjë u bënë thirrje marinarëve që të qëndrojnë në port, pas një vale tjetër sulmesh të frikshme në brigjet e Galicisë – përfshirë edhe zonat më të cekëta që nuk njihen zakonisht për prani të orkave.
Për momentin, autoritetet detare në Portugali dhe Spanjë po monitorojnë nga afër lëvizjet e tufave të orkave, ndërsa shpëtimi i jetëve mbetet prioriteti kryesor. Mjetet turistike dhe rekreative janë këshilluar të shmangin zonat ku orkat janë vërejtur aktivisht në ditët e fundit.
Top Channel
