Frikë dhe kaos në universitetin e Utahs, të shtëna armësh gjatë fjalimit të aktivistit të njohur pro-Trump 10/09 20:57
Izraeli “do të vazhdojë të sulmojë”, tha Benjamin Netanyahu pas sulmeve ajrore izraelite ndaj pozicioneve të rebelëve Huthi në Jemen.
“Disa ditë më parë ne neutralizuam shumicën e anëtarëve të qeverisë terroriste Huthi”, tha kryeministri izraelit, Netanyahu gjatë një ceremonie përurimi për bulevardin e ri bregdetar në Bat Yam, i cili mban emrin e Presidentit të Shteteve të Bashkuara Donald Trump.
“Në përgjigje, Huthitë lëshuan raketa dy ditë më parë kundër aeroportit Ramon”, shtoi ai.
Duke vazhduar, ai theksoi se ky sulm nuk e ka dobësuar vendosmërinë e Izraelit. “Sot ne i goditëm ata përsëri nga ajri, duke goditur objektet e tyre terroriste, bazat e tyre me shumë terroristë dhe objektiva shtesë”, vuri në dukje ai.
Kryeministri izraelit përsëriti se vendi i tij nuk do të ndalojë operacionet. “Ne do të vazhdojmë sulmet. Kushdo që na godet, kushdo që na sulmon, ne do ta gjejmë”, përfundoi ai.
Top Channel
