Për herë të parë në një dekadë! Në Gjermani regjistrohen më shumë se 3 milionë të papunë 31/08 17:18
Mijëra persona morën pjesë në tubime kundër emigracionit në disa qytete kryesore të Australisë, të cilat janë dënuar nga autoritetet si demonstrata të lidhura me ekstremizmin e djathtë dhe përhapje të urrejtjes.
Tubimet, të njohura si “Marshimi për Australinë”, u organizuan në qytete si Sydney, Melbourne, Adelaide dhe të tjera, duke sjellë përplasje mes protestuesve dhe pjesëmarrësve të kundërdemonstratave.
Në Sydney, sipas burimeve të ABC Australia, numri i pjesëmarrësve shkoi deri në 8,000 persona, ndërsa policia deklaroi se nuk kishte pasur incidente madhore, pavarësisht pranisë së qindra efektivëve në terren.
Në Melbourne, situata u tensionua kur protestuesit u përplasën me pjesëmarrës në një tubim pro-Palestinë. Një nga folësit ishte Thomas Sewell, një figurë e njohur neonaziste, i cili iu drejtua turmës nga shkallët e Parlamentit.
Në Adelaide, autoritetet raportuan një pjesëmarrje të kombinuar prej rreth 15,000 personash në tubimin kryesor dhe në kundërprotestë. Sipas policisë lokale, atmosfera përgjithësisht ishte e qetë.
Ndërkohë, vëmendje të veçantë mori edhe një pankartë që shprehte mbështetje për Dezi Freeman, një teoricien konspiracioni dhe “qytetar sovran” që është në kërkim nga autoritetet për vrasjen e dy oficerëve të policisë më herët gjatë javës.
Protestat janë mbështetur nga disa figura politike të opozitës, përfshirë senatoren Pauline Hanson dhe deputetin federal Bob Katter. Po ashtu, në mesin e organizatorëve janë identifikuar edhe individë të njohur nga lëvizjet neonaziste dhe aktivistë të ekstremit të djathtë që u bënë të dukshëm gjatë pandemisë.
Uebfaqja zyrtare e “Marshimit për Australinë” pretendon se migrimi masiv ka dëmtuar unitetin kombëtar dhe ka ndikuar negativisht në çështje si strehimi, infrastruktura, mjedisi dhe krimi.
Qeveria australiane ka reaguar ashpër ndaj protestave. Ministri i Punëve të Brendshme, Tony Burke, deklaroi se “nuk ka vend për urrejtje në Australi” dhe se tubime të tilla janë të papranueshme për një shoqëri moderne dhe të barabartë.
Ministrja për çështjet multikulturore, Anne Aly, theksoi: “Ne qëndrojmë me të gjithë australianët, pavarësisht prejardhjes, dhe nuk do të lejojmë që frika dhe racizmi të na ndajnë.”
Top Channel
Për herë të parë në një dekadë! Në Gjermani regjistrohen më shumë se 3 milionë të papunë 
