Për herë të parë në një dekadë! Në Gjermani regjistrohen më shumë se 3 milionë të papunë 31/08 17:18
Një histori që ka prekur zemrat e mijëra njerëzve po qarkullon në Ukrainë, pas një sulmi vdekjeprurës rus në kryeqytetin Kiev.
Në mes të rrënojave të një ndërtese të goditur nga raketat, një qen i quajtur Jessie qëndroi për dy ditë duke kërkuar pronarin e saj, i cili humbi jetën në sulm.
Pamjet e shpërndara në rrjetet sociale e tregonin Jesse-n duke ulëritur përpara hyrjes së shkatërruar të godinës shumëkatëshe, pa pranuar të largohej, me shpresën se pronari i saj do të dilte prej andej. Prej asaj dite, ajo u bë simbol i besnikërisë së pakushtëzuar.
@dsns_official Її світ зупинився 28 серпня… Але незламна вірність досі тримає Джессі серед руїн у Києві … чекає на господаря, який вже не повернеться 💔 #russiaterroriststate #війнавукраїні #kyiv #ukraine #war ♬ Boundless Worship – Josué Novais Piano Worship
“Bota e saj u shua më 28 gusht. Por besnikëria e saj e pathyeshme e mbajti Jessie-n midis rrënojave në Kiev,” shkroi Shërbimi Shtetëror i Emergjencave të Ukrainës në një postim në TikTok.
Pas ndërhyrjes së punonjësve të emergjencës, Jessie u dërgua për kontroll mjekësor dhe tashmë ka gjetur një strehë të re, një familje të re.
“Familja e punonjësve të emergjencës! Ajo do të jetojë me ne: jashtë qytetit, në fshat, në dashuri dhe miqësi. Ajo që është e rëndësishme është që nuk do të ketë zinxhirë, vetëm një jetë lirie përkrah njerëzve, ashtu siç është mësuar ajo,” deklaruan punonjësit e urgjencës që e morën nën kujdesin e tyre.
Sot Jessie nuk është më vetëm. Ajo nuk e gjeti dot më pronarin e saj, por gjeti njerëz që i dhanë një shans të ri për të jetuar me dashuri, në një shtëpi ku nuk ka asgjë tjetër përveç ngrohtësisë dhe kujdesit.
Top Channel
Për herë të parë në një dekadë! Në Gjermani regjistrohen më shumë se 3 milionë të papunë 
