Manjati vdiq nga një… bletë! E veja dhe nëna e tij në “luftë” për pasurinë me vlerë mbi 2.7 miliardë paund 30/08 22:56
Bill Clinton ka ngjallur shqetësime të reja në lidhje me shëndetin e tij pasi u pa me gruan e tij, Hillary, në Hamptons duke mbajtur një defibrilator portativ.
Sipas Daily Mail, çifti u pa në aeroport duke mbajtur një pajisje që dukej si një çantë mjekësore Propaq MD Air Medical Bag, duke ngritur pyetjet në lidhje me shëndetin e dobët të ish-Presidentit 79-vjeçar.
Klinton ka një histori të gjatë të problemeve me zemrën. Në vitin 2004, ai pësoi një atak në zemër që çoi në një operacion bypass, dhe në vitin 2010, ai u shtrua përsëri në spital me dhimbje në gjoks dhe iu vendos një stent.
Frail Bill Clinton, 79, sparks health fears as he and Hillary are seen leaving Hamptons with defibrillator https://t.co/YfJaiMt46J
— Daily Mail (@DailyMail) August 29, 2025
Në vitin 2021, ai u shtrua në spital me një infeksion të rëndë të traktit urinar që i ishte përhapur në gjak, ndërsa në dhjetor 2023, ai kaloi disa ditë në Spitalin Universitar MedStar Georgetown në Uashington për shkak të gripit.
Në paraqitjen e tij të fundit, ai mbante veshur një xhaketë blu dhe një kapelë ngjyrë bezhë, i shoqëruar nga roja e tij personale. Hillary Clinton ishte veshur me një xhaketë të zezë mbi një kostum blu. Deri më tani, Zyra e ish-Presidentit nuk ka komentuar.
Përveç shqetësimeve për shëndetin e tij, Clintonët janë gjithashtu në qendër të hetimit për çështjen Jeffrey Epstein. Më 5 gusht, ata morën thirrje gjyqësore nga Komiteti Mbikëqyrës i Dhomës së Përfaqësuesve, megjithëse nuk janë nën hetim vetë. Deklaratat e tyre janë caktuar të jepen në tetor – Bill më 14 të muajit dhe Hillary më 9 – pa qenë e qartë nëse ata do të zbatojnë kërkesën.
Top Channel
