“Freski dhe ajër i pastër”/ Fluks në Voskopojë, atraksioni natyror mbetet destinacioni i preferuar i turistëve në juglindje
23/08 13:00
Rreth 2 milionë rasat korani do të hidhen këtë vit në liqenin e Ohrit për të ruajtur specien endemike nga zhdukja.
Në festën e Koranit të organizuar në qytetin liqenor për vitin e dytë radhazi janë hedhur 50 mijë rasat ndërsa nuk kanë munguar gatimet e larmishme dhe elementët festivë.
Krahasuar me një vit më parë në liqen do të hidhen 200 mijë rasat më tepër. Përveç koranit në Pogradec po synohet edhe shtimi i rasatit të krapit për ruajtjen dhe pasurimin e liqenit por edhe në shërbim të turizmit
Korani sipas Prefektit të bashkisë së Pogradecit Nertil Jole, duhet të ketë një vëmendje të veçantë, pasi jo vetëm i shërben vlerave mjedisore por edhe atyre turistike të qytetit.
Për operatorët turistikë korani mbetet pjata e preferuar e turistëve e cila kërkon mjeshtërinë e saj në gatim, por këtë vit në treg është e vështirë të gjendet dhe çmimi i tij ka arritur vlera tepër të larta
Festa e koranit është një ndër eventet më të rëndësishme që zhvillohet prej dy vitesh në qytetin e Pogradecit dhe që tërheq vëmendjen e vizitorëve të shumtë.
Top Channel
