“Ishte një mashtrim mizor”, policia rrethon universitetin privat në Pensilvani pas një telefonate të rreme 22/08 00:52
Dinamo pësoi një humbje që dhemb në ndeshjen e parë kundër Jagiellonias e vlefshme për fazën “Play Off” të Conference League, duke u mundur 3-0 në Poloni.
Ndeshja e transmetuar drejtpërsëdrejti në DigitAlb, nisi në mënyrën më të keqe të mundshme për ekipin e Ilir Dajës, duke pësuar gol që në minutën e 1’, por flamuri i anësorit i erdhi në ndihmë “Nëndetëses”.
Gjithsesi, barazimi nuk zgjati shumë, pasi në minutën e 12’, Imaz i shpëtoi mbulimit të mbrojtjes dinamovite dhe pas një topi të ngelur në zonë kaloi në avantazh polakët.
Të besuarit e Dajës provuan të reagonin, por në minutën e 34’, Pululu shënoi dhe golin e dytë, duke i vështirësuar gjërat për ekipin shqiptar.
Pjesa e dytë nisi si e para, kur në minutën e 50’, Wojtuszek shënoi dhe golin e tretë, duke i dhënë një goditje të fortë “Nëndetëses”, e cila në minutat e fundit kishte disa raste me Bernard Berishën, të cilat nuk shkuan në rrjetë.
Kështu Dinamo vjen në disavantazhin e tre golave në duelin e kthimit në Tiranë, ku në “Arenën Kombëtare” do i duhet një mrekulli për të shkruar historinë.
Rezultati:
Jagiellonia 3-0 Dinamo
Imaz 12′, Pululu 34′, Wojtuszek 50′
Komenti Live:
90+5′ Mbyllet sfida në Poloni me fitoren 3-0 të Jagiellonias!
90′ Akordohen 4 minuta shtesë.
89′ Berisha tenton me një gjuajtje në hyrje të zonës, por portieri arrin ta ndalë.
81′ Tjetër zëvendësim te Dinamo. Largohet Bregu dhe në vendin e tij futet James.
71′ Dy zëvendësime të tjera te Dinamo. Largohen Gassama dhe Lorran, në vendet e tyre futen Jonuzi dhe Neziri.
58′ B. Berisha lëviz bukur në hyrje të zonës dhe godet me të djathtën, por tentativa e tij shkon mbi kuadrat.
56′ Dy zëvendësime te Dinamo. Largohen Hekuran Berisha dhe Beqja, në vendet e tyre futen Maliqi dhe Goudiaby.
50′ Gol Jagiellonia 3-0/ Wojtuszek përfiton nga një top i mbetur në zonë dhe shënon edhe golin e tretë. (Video)
46′ Nis pjesa e dytë!
45+2′ Mbyllet pjesa e parë!
45′ Akordohen 2 minuta shtesë.
36′ Bregu provon me një gjuajtje nga distanca për të surprizuar portierin, tentativa e të cilit shkon jashtë kuadratit.
34′ Gol Jagiellonia 2-0/ Pas një aksioni nga vendasit, Pululu merr një një top në zonë dhe e dërgon menjëherë në rrjetë. (Video)
26′ Imaz merr një top në zonë dhe godet me të parën, por tentativa e tij shkon mbi kuadratin e portës.
12′ Gol Jagiellonia 1-0/ Teqja arrin të ndalë një gjuajtje të fortë nga jashtë zone, por topi kthehet te Imaz, i cili e çon në rrjetë. (Video)
9′ Pululu tenton me një gjuajtje brenda zonës, por topi ndalet pa probleme në duart e Teqjas.
5′ Një kundërsulm perfekt nga ana e Dinamos, por Bregu nuk finalizon si duhet, me topin që ndalet nga portieri vendas.
1′ Pululu tund rrjetën pas një topi të marrë në zonë, por goli anulohet pas një pozicioni të parregullt.
1′ Starton sfida!
Formacionet Zyrtare:
Top Channel
