Eurovision-i në Austri, zbulohet qyteti dhe data e festivalit më të madh të muzikës europiane 20/08 10:37
Gjesti dhe Egli janë dy prej emrave më të përfolur që dolën nga edicioni i katërt i “Big Brother VIP”.
Marrëdhënia e tyre u krijua brenda shtëpisë së famshme dhe që prej asaj kohe ka qenë shpesh në qendër të vëmendjes mediatike. Interesi për çiftin është ushqyer nga dinamika e tyre e ndërlikuar, e shoqëruar me lajme për ndarje të mundshme, por edhe për ribashkime.
Së fundmi, një postim i Eglit në rrjetet sociale ka rikthyer në qendër të diskutimeve marrëdhënien e tyre.
Në InstaStory-n e publikuar, ajo shfaqet duke qeshur teksa dora e një personi tjetër me një byzylyk në dorë bie në sy, detaj i cili nuk ka kaluar pa u vënë re nga ndjekësit.
Arsyeja lidhet me faktin se i njëjti aksesor është parë edhe tek Gjesti, duke ngjallur kështu dyshime se dyshja vijon të jetë bashkë.
Ky element vizual, ndonëse i vogël, ka mjaftuar për të hapur sërish diskutime mbi statusin e marrëdhënies së tyre.
Në mungesë të një reagimi prej tyre, interpretimet e publikut dhe të fansave mbeten të shumta. Megjithatë, mbetet e dukshme se çdo lëvizje e Gjestit dhe Eglit vazhdon të ngjallë interes të madh.
Top Channel
