“Skam marrë lekë nga Bankers se do kisha hapur universitet si ti”, Murrizi vijon sherrin online me Malajn: Je sigurims, ortak i Bujar Leskajt

Malaj hedh poshtë akuzat e Murrizit dhe thotë se nëse do të kishte marrë para nga Bankers do ta kishte ngritur një universitet siç bëri ish deputeti demokrat.

Ky i fundit iu përgjigj gjithashtu Malajt edhe për një deklaratë të tij se kur ka qenë minister, e ka ndihmuar ish deputetin e PD-së të merrte shpejt vizën për bashkëshorten që ajo të vizitohej jashtë vendit.

Arben Malaj: Asnjë qindarkë direkt apo indirekt nga asnjë biznes.  Asnjë familjar i punësuar në Dogana, tatime dhe asnjë institucion  tjetër publik gjatë 1997-2005. Asnjë qindarkë para publike direkte dhe indirekte nga familjarët e mi që prej 1992- 2025.  Eshtë e lehtë të jesh shpifës publik është e pamundur për heroin e vetshpallur Murrizi, të jesh korrekt me ligjin dhe mos përfitimet direkte dhe indirekte nga parate publike. 

Po merrem me këtë shpifës ordiner jo se kam ndonjë gjë personale, por sepse është bërë një ndotës publik mediatik me banalitetin e tij me gjuhën alabake dhe ulurimat edhe mbi limitet e ligjit të zhurmave dhe në mungesen të integritetit. Asnjë qindarkë nuk kam përfituar nga Bankers apo nga ndonjë kompani tjetër. Prandaj unë nuk bëra dot kolegj apo universitet, ndërsa ti e ngrite ” Justinianin” kolegjin juridik nga hiri.

Shiko sa shpifës je: kur kishe bindjen se kishim vjedhur, pse nuk më denoncoje dhe pse nuk e denoncon? Veteriner Murrizi, keni mungese te theksuar edhe te njohurive minimale juridike por edhe ekonomike. Ligjërisht, të kesh dijeni për një krim dhe të mos e denoncosh, dënohesh, o shoku veteriner që themelove universitet në Jurisprudencë.

Sa më shumë hap gryken shpifese ti, aq më e qartë bëhet se sa shpifës dhe kriminel je në shpirtin tënd. Mos harro se policia tatimore, ku drejtoje edhe ti, u bë struktura më kriminale kundër socialistëve dhe mbështetësve të saj pas viti 1994, kur udhëheqësi juaj i përjetshëm shpirtëror humbi referendumin për tu bërë “mbret i Shqipërisë”.

Aq kriminale ishte struktura dhe partia ku ti shërbeje i devotshëm, me plot të fortë dhe rrugaçë pas teje, sa FMN-ja më kushtëzoi ccdo ndihmë për Shqipërinë  duke më vënë mbi tavolinë dy kushte: e para, kërkoi pastrimin e skemave piramidale; e dyta, shpërbërjen e policisë financiare, ku kishte specialistë të mirë, por ku komandonit kriminelët si ky shpifësi ordiner.

E premtuat se do ta krijonit  Policinë Financiare sapo të vinit në pushtet. Ishit 8 vite në pushtet 2005-2013 dhe nuk guxuat të rikrijonit Policinë Financiare, sepse ishit të bindur për cv kriminale të saj dhe se nuk jua lejuan SHBA, FMN dhe BE. Aq keq i përdorët ju strukturat e doganave, tatimeve, policisë tatimore dhe disa punonjës të Ministrisë së Financave, sa një javë pasi u bëra ministër i Financave te vendit tim ne 9 Mars 1997, në kulmin e krizës që ju deshët ta shndërronit në luftë civile, një ditë, një burrë fisnik nga Veriu, ekspert në një drejtori të rëndësishme të Ministrisë së Financave, më ftoi të shikoja nga zyra e tij dy makinat e stafit të Ministrisë së Financave.

U tmerrova: kishin brenda skafandra dhe shkopinj gome me të cilat vazhdonin të rrihnin protestuesit kundër qeverisë së piramidave. I thirra lart, zbritëm poshtë, dhe u kërkova të hapnin dyert e furgonëve “fouristrada”. Ikën të turpëruar nga puna. Më vonë, njëri prej tyre, më kërkoi ndjesë për verbërinë dhe keqpërdorimin e tyre nga nje pjese  e stafi politik i Ministrisëse Financave. Unë e dua vendin tim pa asnjë kushtëzim. Ju i perdorët mish për top mbështetësit tuaj për pasurimin tuaj, ndërsa unë në 2005, si ministër i Financave të vendit tim nxorra një urdhër administrativ që asnjë punonjës i taksave, tatimeve dhe Ministrisë së Financave nuk duhet të merrte pjesë në komisionet e numërimit të votave.

Kjo sepse ata ishin shërbëtorë në mbledhjen e të hyrave buxhetore që paguheshin nga të gjithë taksapaguesit shqiptarë pavarësisht se ishin anëtarë të partive të ndryshme poltike. Urdhri synonte depolitizimin të administratës tatimore. Unë nuk gënjej – kërkoje  dhe do ta gjesh urdhrin në arshivat e Ministrisë së Financave, po të ndihmoj: është përpara zgjedhjeve parlamentare 2005.

Ju sapo erdhet në pushtet pushuar shumë tatimore dhe doganier duke keqpërdorur këtë urdher. Kjo pasi të gjitha vendet që krijuat nga këto pushime jo ligjore, pasi ata i fituan gjyqet me ju, i shitët, duke futur në administratë shumë militantë fanatikë të PD-së, apo arkëtare personale të disa deputetëve. Kaq mjafton.

Myslym Murrizi: Edhe pse nuk dua të bëhem pis me një mashtrues ordiner si Ben Malaj, jam i detyruar t’ja plas përsëri në surrat mashtrimet ordinere të dyta pas mashtrimit të parë si fundërrinë se une kisha qen deputet në vitin 2005 e që nuk di të kërkojë falje se fundërrinat mendojnë që mashtrimin e parë e mbulojnë me një mashtrim tjetër.

Nuk kam menduar kurrë që je kaq fëlliqësirë sa të sajosh gjëra që jo vetem nuk kanë ndodhur por as imagjinata e një psikiku mendor nuk mund ti sajonte

E para mor Ben une si nëndrejtor tatimesh isha i emeruar nga Kryeministri Meksi dhe shkarkimi im mund të bëhej nga Kryeministri i ndjerë Fino por që sipas marrëveshjes së 6 marsit asnjë firmë nuk kishte vlerë pa kundërfirmën e Sekretarëve të Shtetit që në atë kohë ishte Zoti Ekrem Kastrati e që nuk firmoste kurrë atë që donit ju dhe bandat qe ju komandonin.

Ndaj mos mashtro prapë se edhe pse nuk e paske problem turpin bëhesh akoma më shumë palaço për një rrogë që të japin si lehës me pagesë.

E dyta nuk të kërcënova e as të ofendova në zyre se nuk jam soj zagaresh dhe nuk të p**ja fare se ishe mender ministër, se ishe pa vota por si i dh* në brekë nga sikleti na mbushe raki në gota shampanje e me the që kishe menduar të më lëvizje e të më emëroje nëndrejtor tek INSIGU, ashtu siç mashtrove ish-nëndrejtorin e Doganës, të ndjerin Avdyl Matoshi dhe e zëvendësove me ish ortakun tend Bujar Leskaj e ai ta kompesoi me klering duke të bërë doktor shkencash l*i me Prof Omer Stringën, me të cilin u prishët pas një viti siç je prishur dhe zënë si qen me të gjithë prej 35 vitesh.

Unë të thashë me qetësi që nuk e ke ti në dorë shkarkimin tim por KM dhe se une kam menduar të rri ketu deri në 29 qershor kur të bëhen zgjedhjet.

Në atë kohe të njihja si hajdut dhe enverist por jo si mashtrues e fëlliqësirë që shpif e mashtron si ordiner.

Dhe nuk ika me bisht ndër shalë mor spurdhjak por nuk të dhashë as dorën dhe kam qëndruar e jam paguar si nëndrejtor tatimesh deri me 6 gusht 1997 kur bera betimin si Deputet.

Une jam nga fshati Sulzotaj i Lushnjes mor “ trim” hibrid qe ndryshon vendlindjen sipas rastit, herë thua nga Tepelena herë nga Vlora e Mallakastra dhe nuk kam patur asnje lidhje në 35 vite me asnjë bandë apo bandit e aq më pak me bandat e Fierit që ishin dhe janë shërbetore të partisë që të bëri ty ministër.

Shyqyr që nuk kishin dal telefonat BQ apo SKY, ECRO CHAT në atëe kohë mor Ben lapanjozi se ti do ishe denuar 100 vjet burg nga komunikimet me bandat dhe llumhanet e Vlorës e të gjithë Shqipërisë dhe 25 vjet si hajdut që “shite” frigoriferin e Durresit për një copë bukë pasi të ngrohu xhepin ai qe e bleu.

Pastaj ti mor Ben Cenaj në atë kohë, e Ben mashtruesi sot, edhe thua që ishe “ trim” i rrallë  se je nga Tepelena edhe thua që unë “frikacaku” nga Lushnja të paskam kërcënuar e ti qenke dh*** nga frika e nuk më hoqe dot.

Tani ndaje pak Ben mashtruesi se çfarë ke qenë, se te dy mashtrimet nuk te shkojnë. A ke qenë trim apo m***??

Po është shumë e vërtetë Ben piramida që unë kisha mbaruar veteriner në vitet 1987-1992 por jam krenar që kam mbaruar veterinari se sa të isha një ekonomist ordiner si ti që je bërë dr. shkencash me temë si tju marrim paratë shqiptarëve duke qenë drejtor i bordit të keshillit ekonomik te firmes piramidale CENAJ.

Për veteriner me çuan Ben në vitin 1987 edhe pse kisha mbaruar të mesmen ditën me mesatare 9.8 se nuk u bera dot spiun sigurimi Ben si ti e të kisha shkuar në Universitetin e Tiranës duke mbaruar shkollen e mesme natën ne Llakatund të “Tepelenes” meqë je tepelenas.

Dhe te drejtën e studimit ta dhanë 21 vjeç Ben pra 3 vjet me vonesë pasi të vune dhe një emër tjetër përveç emrit Ben, ata shejtanër të sigurimit.

Po ti pas zgjedhjeve a e mban mend se kë emërove drejtor tatimesh mor Ben piramida meqë une isha jashtë profilit si nendrejtor???

Ben Ametajn or mashtrues ordiner që kishte mbaruar për mesues anglishtje dhe jo financier, se atë të thanë ata që të komandonin si zagar e atë vure.

Tritan Shehun mor Ben lëpirësi e kam patur mik nga viti 1990 dhe e kam prap shum mik, madje kurrë nuk e kam prishur miqësinë edhe në vitet 1999-2005 kur Tritani iku nga PD sepse une nuk i shes miqtë sipas partive e nuk zë miq kurrë sipas karriges së pushtetit siç bën ti që sot nuk ke asnjë mik në PS e në politikë se të kanë njohur mirë çfarë mashtruesi bastard qenke.

Bashkeshortja ime mor qelbanik e zagar që shpif si fëlliqësirë nuk ka patur kurre vizë as në vitin 1997 e as më pas deri ne vitin 2006 e nuk ka dalë kurrë jashtë shtetit në ato kohë dhe falë të Madhit Zot nuk ka patur asnjeherë probleme shëndetësore që të kurohej jashtë. Por siç duket e kë ngatërruar me ndonjë vizë që mund të ketë marrë bashkëshortja apo familja jote ose ndonjë anëtar bande për të ikur jashtë që të dërgonte paratë që vidhje ti funderrinë si ministër.

Pastaj kush ishe ti mor qelbanik që jepje viza se vizat nga viti 1990 deri në vitin 2010 i jepnin Ambasadat.

Por meqë ke kohë që ke çar satokartin e të falet se në rrjedhjen e lire psiqike që ke pësuar nuk di çfarë përtyp e nuk mban mend gjatë po teë tregoj une një detaj të “miqësisë” tonë në atë kohë që të është dukur sikur më ke ndihmuar për vizë.

Në 29 qershor 1997 unë u zgjodha deputet mor Ben spurdhjaku dhe 10 ditë më pas më 8 korrik 1997 jam bërë baba e ti mor Ben p***a për tu dukur xhentil si dhjaks e servil i pështirë duke menduar që do ishim në Parlament bashkë, më ke derguar një telegram urimi në postën e Lushnjes.

Une e vlerësova miqësisht këtë telegram dhe në Parlament kur Miku im Nard Ndoka të fuste mikrofonin në gojë çdo seancë i thashë një ditë që boll se nuk ka lezet ngaqe une kam një detyrim njerezor për të vetëm për atë telegram e pas asaj seance Nardi nuk ta futi më kurrë në gojë mikrofonin.

Dhe që të kujtohesh për “trimërinë” tënde si hibrid laberie dhe qenien time “ frikacak” si lushnjar po të kujtoj që mos p***a ime për ty vazhdoi edhe kur mbajta 4 vjet si deputet makinën që kisha si nëndrejtor tatimesh e nuk p*a as për ty e as për drejtorët e tu të tatimeve nga ish miku yt Ben Ametaj me profesion anglishtje meqë ti bëje emërime sipas profesioneve deri tek enveristi Bujar Brovina që çdo jave sillte nga nje shkresë në Parlament e unë fshija t**n me ato shkresa se me dukej sikur fshija trapin me ty.

Tani mor Ben mashtruesi dil e shpif sa te duash për “trimëritë” tuaja të asaj kohe por kujdes mos ha m*t me shumë seç duhet se unë “frikacaku” edhe mund të ta rikujtoj fije për pe të gjithë vitin 1997 madje edhe makinën e doganës që u dogj në Qafën e Sokolit me gjithë ata që ti përdorje si transportues e do më besh telegram tjetër pastaj.

Ndjesë miqve të mi virtual që po ju bezdis duke shkruar dy herë për një fundërrinë, por unë acarohem shumë kur shoh që shpifin mashtrues ordiner e fëlliqësira që lëpijnë çfarë pështyjnë, edhe për të tjerë që i njoh e jo më për personin tim, ndaj këtë sqarim të gjatë e besdisës nuk e kam bërë për Ben lëtyrën por për hir të së vërtetës.

Top Channel