Gjysmë shekulli pas Helsinkit, analiza e REL: A mund ta ruajë OSBE-ja rëndësinë e saj? 31/07 07:37
Andia Ulliri humbi edhe në Komisionin e Ankimimeve dhe Sanksioneve betejën e saj për të qëndruar në Kuvendin e Shqipërisë edhe për katër vitet e ardhshme.
Demokratja pretendoi se mandatin e deputetes e fitonte në bazë të kuotës ligjore, por KAS ia rrëzoi kërkesën.
“Mandati në Durrës i takon kandidates Ulliri, pasi nga 5 fituesit e listës së mbyllur aty gjendet vetëm një grua dhe sipas kuotës 30%, emri i radhës, pra Ullirit“, argumentoi përfaqësuesi ligjor, Indrit Sefa.
“Kodi thotë që kandidatët rirenditen vetëm ata të listës me votim parapëlqyes, kur nëse dy të parët janë burra, i treti është grua. Ose kur dy të parët që kanë marrë vota parapëlqyese janë gra, i treti është burrë. E ka të qartë ligji këtë. Kandidatët e listës shumë-emërore që i nënshtrohet votimit parapëlqyes, rirenditen në bazë të numrit më të lartë të votave parapëlqyese“, shpjeguan përfaqësuesit e KQZ-së, ndërsa në fund të shqyrtimit të çështjes, KAS la në fuqi KQZ-së.
Në mbledhjen e kaluar të KQZ-së, kryekomisioneri Ilirjan Celibashi i rrëzoi pretendimet e kandidates dhe mandatin ia dha Arjan Ndojës, teksa miratoi shpërndarjen e mandateve për qarkun Durrës.
Tashmë, Ulliri mund ta çoja çështjen në Kolegjin Zgjedhor.
Top Channel
