Serbia dhe Kina përfundojnë stërvitjet e përbashkëta ushtarake 29/07 22:23
Sekretari i Përgjithshëm i OKB-së, Antonio Guterres, tha se është “e pamohueshme” që Gaza është në prag të urisë, pas raportit të sotëm nga Klasifikimi i Fazës së Integruar të Sigurisë Ushqimore.
Organi i sigurisë ushqimore i mbështetur nga OKB-ja tha se pragjet e urisë janë arritur në pjesën më të madhe të Gazës, duke paralajmëruar se “uria, kequshqyerja dhe sëmundjet e përhapura gjerësisht” po shkaktojnë vdekje.
“Palestinezët në Gaza po përjetojnë një katastrofë humanitare me përmasa epike. Ky nuk është një paralajmërim. Është një realitet që po shpaloset para syve tanë”, tha Guterres.
Më tej ai theksoi se “Rrjedha e ndihmës duhet të shndërrohet në një oqean. Ushqimi, uji, ilaçet dhe karburanti duhet të rrjedhin valë-valë dhe pa pengesa. Ky makth duhet të marrë fund.”
Ai e mbylli fjalën e tij duke bërë thirrje që ‘ky makth të marrë fund sa më shpejt’.
Top Channel
