“Shkrumbohet” Greqia, digjen disa banesa! Autoritetet sytë nga BE-ja, kërkojnë përforcime për të shpëtuar nga flakët
26/07 23:00
Kryeministri Edi Rama ka reaguar sërish për lirimin e hapësirave publike të zëna nga bizneset.
Ndërsa ka publikuar pamje nga kryeqyteti, Rama shprehet se 3-4 biznese kanë zaptuar hapësirën e komunitetit duke zënë pjesën e lulishtes për qytetarët.
Çdo hapësirë si kjo, thekson kreu i qeverisë, do t’i kthehen komunitetit, “ndërsa bizneset do të jenë vlerë e shtuar por pa shkelur kufirin e të drejtës së popullit për të lëvizur e marrë frymë lirisht”.
Rama: 3 – 4 subjekte kanë marrë peng tërë hapësirën komunitare dhe pyetja për disa komentatorë që qajnë hallin këtu e gjetkë, se duke rivendosur kufirin mes të drejtës e të paligjshmes në hapësirat publike po goditen kursimet e “popullit”, është e thjeshtë:
Kush është populli, këta tre katër guximtarë që kanë zënë tërë lulishten e komunitetit apo familjet, të moshuarit, fëmijët, që jetojnë në pallatet përreth dhe dalin nga shtëpitë përmes shtigjeve të lëna nga bizneset?!
Edhe kjo hapësirë edhe çdo hapësirë si kjo, do t’i kthehen komunitetit, ndërsa bizneset do të jenë vlerë e shtuar por pa shkelur kufirin e të drejtës së popullit për të lëvizur e marrë frymë lirisht.
Top Channel
