Skandal politik në Francë, ministrja e Kulturës akuzohet për korrupsion dhe abuzim pushteti në kohën kur ishte eurodeputete 22/07 21:33
Një kushërirë e Princit të Uellsit dhe Dukës së Sussex është gjetur e vdekur në shtëpinë e familjes së saj.
Rosie Roche, 20 vjeç, mbesa e xhaxhait të Princeshës Diana, vdiq në shtëpinë e saj në Norton, pranë Malmesbury në Wiltshire, më 14 korrik.
Një hetim për vdekjen e saj u mbajt të hënën në gjykatën e mjekut ligjor në Ëiltshire dhe Sëindon.
E reja e cila po studionte letërsi angleze në Universitetin e Durhamit, u gjet e pajetë nga nëna dhe motra e saj, ndërsa aty pranë ishte një armë zjarri.
The Times shkruan se Roche kishte qenë duke përgatitur valixhet për të shkuar në një udhëtim me miqtë e saj. Ende nuk dihen rrethanat e vdekjes së saj.
Roche ishte mbesa e Edmund Roche, Lord Fermoy të ndjerë. Motra e tij ishte Frances Shand Kydd, nëna e Princeshës Diana.
Vdekja e saj vjen një vit pasi Thomas Kingston , bashkëshorti i Zonjës Gabriella Ëindsor, kushërirës së dytë të Mbretit, i mori jetën vetes në shkurt të vitit të kaluar në shtëpinë e prindërve të tij, pasi iu përshkruan frenues selektivë të rimarrjes së serotoninës (SSRI), një lloj i zakonshëm i antidepresivit.
Sipas një hetimi, Kingston, 45 vjeç, i cili u martua me Lady Gabriella në vitin 2019, u gjet i vdekur në banjën e një ndërtese anësore të shtëpisë së prindërve të tij në Cotsëolds më 25 shkurt. Ai kishte vrarë veten me armën e zjarrit të babait të tij.
Top Channel
