Konsiderohej zv.presidenti më i fuqishëm në historinë e Amerikës, ndërron jetë në moshën 84 vjeçare, Dick Cheney 04/11 12:36
Urdhrat izraelitë për zhvendosje, të ndjekura nga sulme intensive në qytetin qendror të Gazës, Deir al Balah, do të çojnë në vdekje të mëtejshme të civilëve, tha kreu i zyrës së OKB-së për të drejtat e njeriut.
Dje, tanket izraelite hynë në lagjet jugore dhe lindore të qytetit të Gazës për herë të parë pasi lëshuan një urdhër evakuimi, transmeton Sky News.
Zona është e mbushur me palestinezë që janë zhvendosur gjatë luftës në Gaza, dhe burime izraelite thanë se ushtria beson se atje mund të mbahen pengje.
Volker Turk, kreu i Zyrës së Komisionerit të Lartë për të Drejtat e Njeriut në OKB, ka thënë se “Duket se makthi nuk mund të përkeqësohej më shumë. E megjithatë, po… duke pasur parasysh përqendrimin e civilëve në zonë dhe mjetet e metodat e luftës të përdorura nga Izraeli deri më tani, rreziqet e vrasjeve të paligjshme dhe shkeljeve të tjera serioze të së drejtës ndërkombëtare humanitare janë jashtëzakonisht të larta.”
Top Channel
