Kryeministri i Hungarisë, Viktor Orban, ka uruar homologun e tij, Edi Rama, për fitoren e thellë në zgjedhjet parlamentare të mbajtura më 11 maj.
Përmes një postimi në platformën “X” (ish-Twitter), Orban e cilësoi rezultatin si një “fitore dërrmuese”, ndërsa shprehu entuziazmin për takimin me Ramën këtë të premte në Tiranë, ku do të mbahet Samiti i radhës i Komunitetit Politik Europian (EPC).
“Urime Kryeministrit Edi Rama për fitoren e tij dërrmuese në zgjedhjet parlamentare shqiptare.
I dashur Edi, mezi pres t’ju shoh këtë të premte në Tiranë në atë që mund të rezultojë të jetë një Samit historik të Komunitetit Politik Europian (EPC)”, shkroi Orban.
Congratulations to Prime Minister @ediramaal on his landslide victory in the Albanian parliamentary elections.
Dear Edi, looking forward to seeing you this Friday in Tirana at what may prove to be a historic EPC Summit.— Orbán Viktor (@PM_ViktorOrban) May 14, 2025
Samiti i Komunitetit Politik Evropian pritet të mbledhë liderë nga e gjithë Europa në Tiranë, për të diskutuar sfidat e sigurisë, integrimin evropian dhe bashkëpunimin rajonal. Kjo do të jetë vizita e radhës e Orban në Shqipëri në kuadër të takimeve të nivelit të lartë me liderë të rajonit.
Top Channel
