Edi Rama ishte sot në Sarandë në një takim elektoral përmbyllës, ku edhe një herë ka kërkuar që në 11 maj qytetarët të votojnë PS.
Rama nuk i kurseu ironitë për partitë e vogla, duke u quajtur “cikli i dytë i farës së keqe të së ndjerës LSI”.
“Janë dhe ca të tjerë që vijnë vërdallë, i keni parë ju? Ca zogj të vegjël që vijnë vërdallë dhe thonë “ne jemi të rinj, ne jemi rinia”.
Ata rini kanë vetëm moshën e kryetarëve të tyre. Ato parti të vogla janë cikli i dytë i farës së keqe të së ndjerës LSI dhe juve ju kujtohet mirë dhe shqiptarët e dinë mirë se çfarë kemi hequr duke i provuar të tëra dhe konkluzioni im është sa më e vogël një parti, aq më të vogla interesat e atyre, që e shesin veten për përfaqësues të interesave të mëdha”, tha Rama.
Top Channel
