Një dietologe tregon si të hani karbohidratet, proteinat, yndyrnat dhe fibrat për të kontrolluar sheqerin 12/09 20:24
Skema e ngjyrave
Madhësia e shkrimit
Astronomët mund të kenë zbuluar një planet të ri, krejtësisht ndryshe nga çdo trup tjetër qiellor i njohur në Sistemin tonë Diellor.
Ky ekzoplanet, i quajtur Enaiposha (emri shkencor: GJ 1214 b), u konsiderua fillimisht si një planet i vogël dhe i pasur me gaz. Megjithatë, vëzhgimet më të fundit kanë treguar se ai ka ngjashmëri të habitshme me Venusin, sidomos për sa i përket atmosferës së dendur, e përbërë nga elementë si hidrogjeni, heliumi, uji, metani dhe dioksidi i karbonit.
Pikërisht për këto ngjashmëri, studiuesit po sugjerojnë ta quajnë “Supervenus”. Hulumtimi i udhëhequr nga Everett Schlawin nga Universiteti i Arizonës dhe Kazumasa Ohno nga Observatori Kombëtar Astronomik i Japonisë (NAOJ), ka identifikuar gjurmë të dioksidit të karbonit – edhe pse në sasi të vogla, çka kërkon analiza të mëtejshme të thelluara.
Pavarësisht këtij zbulimi interesant, shkencëtarët janë të një mendjeje se Enaiposha nuk mund të jetë i banueshëm, për shkak të kushteve të tij ekstreme klimaterike.
Top Channel
