Roja bregdetar grek dyshohet se vrau veten, policia nis hetimet. A ka lidhje trafikanti shqiptar? 27/04 17:43
Dy zjarrfikës kanë humbur jetën dhe 14 të tjerë janë plagosur, njëri prej tyre në gjendje të rëndë, në një zjarr të rënë në një garazh në Alcorcón, afër Madridit.
Sipas shtypit lokal, zjarri shpërtheu në një parking nëntokësor dhe dyshohet se u shkaktua nga shpërthimi i një makine elektrike pas një përplasjeje me një automjet tjetër të parkuar.
Banorët e ndërtesës raportuan se kishin dëgjuar një zhurmë të fortë, “sikur një makinë të kishte hyrë me shpejtësi në garazh dhe të ishte përplasur me një tjetër”, e ndjekur nga një shpërthim pak çaste më vonë. Ekipet e emergjencës, të cilat mbërritën menjëherë në vendngjarje, punuan në kushte jashtëzakonisht të vështira për shkak të tymit të dendur dhe grumbullimit të madh të nxehtësisë brenda parkingut.
Sipas kreut të Shërbimit të Emergjencës së Komunitetit të Madridit, zjarrfikësi i plagosur rëndë është shtruar në terapi intensive në spitalin e Getafe, me prognozë të rezervuar. Gjithashtu, një banor i pallatit u helmua nga tymi i flakëve.
Menaxheri i emergjencave shpjegoi se nga dy zjarrfikësit që humbën jetën, njëri u nxor nga kolegët e tij në arrest kardiak, por pavarësisht përpjekjeve të personelit mjekësor për ta ringjallur, nuk arriti të mbijetojë. Viktima e dytë u gjet tashmë pa shenja jete kur ekipet e shpëtimit arritën tek ai.
Presidentja e Komunitetit të Madridit, Isabel Díaz Ayuso, shprehu ngushëllimet e saj përmes një mesazhi në platformën X, duke nderuar dy “shërbëtorët e guximshëm” të shtetit dhe duke shprehur gjithë mbështetjen për familjet dhe miqtë e tyre.
Top Channel
