Millorad Dodik arrin në Moskë! 31/03 22:36
Në episodin e 12 të Podcastit “Flasim” të ftuarit e kryeministrit Edi Rama ishin disa të rinj nga Forumi Rinor i Partisë Demokratike të Vlorës.
“Nuk ka nevojë të jesh pjesë e një partie kur sheh që gjëja është këtu sot. Ka momente që edhe kura më e mirë për partinë që ke simpatinë të thuash ‘unë këtë herë nuk ta jap votën, nuk ndryshove dhe nuk ta jap votën’. Kjo nuk është luftë, as përpjekje për të poshtëruar njëri tjetrin, është ndeshje demokratik. Ka momente që kura më e mirë për partinë ku je është që të thuash që këtë herë nuk ta jap votën sepse dua të ndryshosh. Kjo më bën realisht nga njëra anë të ndihem jo mirë kur dëgjoj këto histori, por nga ana tjetër edhe pse do ketë rezistenca sepse tjetër gjë është çfarë ke ti me politikën dhe tjetër gjë komuniteti dhe shërbimi. Edhe bisedat jashtë betejës janë normalitet. Tek vendi më i vështirë ku mund të mbillej kjo kulturë, aty është mbjellë. Kjo është një ndeshje demokratike ku bashkëjetesa. “, tha Rama.
Cilësia e demokracisë dhe jetës theksoi kryeministri, nuk varet nga sa shumë je dakord, por nga mënyra sesi nuk je dakord”, tha ndër të tjera Rama.
Ndërkohë kryeministri u përballë me historinë personale të Klidi Metajt, të cilën e quajti skandaloze.
Klidi Metaj: Zamira ftoi Sarën (Kryetaren e FRPD-së) dhe Sara na ftoi ne. Nuk është se na kanë ardhur më përpara ftesa, përkundrazi persekutime na kanë ardhur. Është turp që vjen PD e persekuton PS dhe e kundërta.
Edi Rama: Po çfarë kuptimi?
Klidi Metaj: Im atë është oficer policie. Në 2013, sa vini ju e hiqni nga puna. Kishte mbaruar Akademinë e rendit. Ngeli pa punë. Më thuaj si mundet një familje demokrate të të dojë kur ti I heq nga puna. Unë dilja në protestë, pedagogia më ngeli se isha me PD-në. Duhet ndryshuar kjo.
Edi Rama: Më vjen turp nga këto histori. Fatkeqësisht këto histori nuk kanë mbaruar në nivelin vendor.
Dhe sidomos aty ku ne kemi mbështetje, e ku njerëzit thonë ne këtu fitojmë. Pikërisht aty mbyllen, sesa në të tjera situata ku beteja ishte më hapur. Këto janë skandaloze. Në nivelin e përgjithshëm.
Në Tiranë e kemi hequr këtë flamë, por kur shkon më poshtë, si mundet të ndodhë.
Top Channel
